1 دَوُدَ شَ بّيتِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ، «قُفٍ تٌقَنيِيٍ.»

2 عَلَ، ﭑ نَكِسِ!

يٍ بَرَ تٍ هَن ﭑ كْنيِ.

3 ﭑ نَ بِرِقٍ بٌورَ تِلِنشِ كُي،

ﭑ سَنيِ مُ تِدٍ يٌ سْتْقٍ.

ﭑ نَ مَدُلَقٍ يٍ شْورَ.

4 ﭑ بَرَ عِ شِلِ هَن ﭑ بَرَ تَفَن،

ﭑ شُي يٌ مُ نَ سْنْن،

ﭑ يَ بَرَ ﭑ شْنْ عِ قٍنقٍ رَ.

5 ﭑ شْنمِشِيٍ بَرَ وُيَ دَنفِ ﭑ شُنسّشّ رَ.

سّنبّمَيٍ نَن عٍ رَ نَشٍيٍ وَ مَ ﭑ قَشَقٍ.

عٍ قِندِ ﭑ يَشُييٍ رَ هَلِ ﭑ مُ قٍقٍ رَبَشِ عٍ رَ.

ﭑ مُ قٍ حَاشِ يٌ رَبَشِ عٍ رَ،

كْنْ عٍ وَ مَ ﭑ شَ سَرٍ ندٍ قِ.

6 عَلَ، عِ ﭑ مَ تَنتَنيِ كٌلٌن،

ﭑ مَ يُنُبِيٍ مُ نْشُنشِ عِ مَ.

7 مَنفّ عَلَتَلَ، عِ نَشَ عَ لُ

دَنشَنِيَتْييٍ شَ يَافِ ﭑ مَ قٍ رَ.

عِسِرَيِلَ مَرِفِ عَلَ، عِ نَشَ عَ لُ

عِ قٍنمَيٍ شَ عِقُ ﭑ مَ قٍ رَ.

8 عٍ ﭑ كٌنبِمَ عِ تَن نَن مَ قٍ رَ.

ﭑ بَرَ يَافِ هَن.

9 ﭑ شُنيَيٍ مُ ﭑ كٌلٌن سْنْن،

ﭑ بَرَ لُ ﭑ تَارَيٍ بّ عَلْ شْحّ ندٍ.

10 ﭑ وَ مَ عِ وَشْنقٍ رَبَقٍ.

عِ كٌنبِمَيٍ بَرَ قِندِ ﭑ يَشُييٍ رَ.

11 ﭑ وَ مَ، ﭑ سُنمَ.

نَ بِرِن مَن كُي، مِشِيٍ ﭑ كٌنبِمَ.

12 ﭑ سُننُن دٌنمَ رَفٌرٌ مَ ﭑ مَ، عٍ ﭑ مَيٍلٍمَ.

13 نَشٍيٍ دْشْشِ تَا سٌدٍ دّ رَ، نٍيٍ ﭑ مَقَلَمَ،

سِيسِلَيٍ ﭑ مَيٍلٍمَ سِفِ رَ.

14 كْنْ عَلَتَلَ، ﭑ بَرَ عِ مَشَندِ.

عَلَ عِ شَ هِننّ ﭑ نَ بَرِ مَ عِ شَ هِننّ فبٌ.

15 ﭑ نَكِسِ عَلَكٌ ﭑ نَشَ بِرِ بٌورَ شْورَ،

ﭑ نَتَنفَ ﭑ شْنمِشِيٍ مَ.

16 عِ نَشَ تِن ﭑ شَ مَدُلَ، يٍ نَشَ ﭑ نَلْي،

ﭑ نَشَ فٌرٌ عَلِفِيَمَ.

17 عَلَتَلَ، ﭑ شُي رَتِن،

عِ تَن نَشَن قَن، نَشَن شَ هِننّ فبٌ.

عِ شَ كِنِكِنِ ﭑ مَ، عِ شَ ﭑ مَلِ.

18 عِ نَشَ عِ نْشُن عِ شَ كٌنيِ مَ.

ﭑ نَ تْورّ كُي، يَندِ ﭑ مَلِ.

19 عِ شَ عِ مَكْرّ ﭑ نَ،

عِ شَ ﭑ شُنسَرَ، عِ شَ ﭑ نَكِسِ ﭑ يَشُييٍ مَ.

20 عِ بَرَ ﭑ مَ تْورّ نُن ﭑ مَ يَافِ كٌلٌن،

ﭑ يَشُييٍ بِرِن نَ عِ يَ عِ.

21 كٌنبِ بَرَ ﭑ بْحّ كَنَ هَن ﭑ بَرَ قُرَ.

ﭑ هَيِ نَ كِنِكِنِ مَ، كْنْ عَ مُ نَ.

ﭑ هَيِ نَ مِشِ مَدُندُ مَيٍ مَ، كْنْ عٍ مُ تٌمَ.

22 عٍ ثْسْنّ سَمَ ﭑ مَ دٌنسٍ،

عٍ مِنسٍ شْنّ سٌمَ ﭑ يِ رَ، يٍ حْشْي رَ.

23 عٍ شَ تٍيبِلِ شَ قِندِ فَنتَنيِ رَ عٍ بّ،

عٍ شَ نَاقُلِ شَ قِندِ يّلّ رَ نَشَن عٍ سُشُمَ.

24 عٍ يَ شَ عِقْورْ، عٍ شَ دْنشُ.

عٍ تَفِ شَ عٍ شْنْ هَن عٍ شَ بِرَ.

25 عِ شَ شْنْ عٍ مَ، عٍ شَ نَ تّ كٌلٌن.

26 عٍ شَ فْورّ شَ حْن،

عَدَ مَدِيٍ نَشَ لُ عٍ شْنيِ سْنْن،

27 بَرِ مَ عٍ تْورْ مِشِيٍ شَ تْورّ شُن مَسَمَ،

عِ نَشٍيٍ حَشَنكَتَ.

عٍ مِشِيٍ مَيٍلٍمَ، عِ نَشٍيٍ هَلَكِ.

28 عِ شَ عٍ شَ يُنُبِ بِرِن تٌ،

عَلَكٌ عٍ نَشَ عِ شَ كِسِ سْتْ سْنْن.

29 عٍ شِلِيٍ شَ بَ سِمَيَ سّبّلِ كُي،

عٍ نَشَ لُ تِنشِنتْييٍ يَ مَ.

30 ﭑ تَن نَ تْورْقٍ يِ تّمُي،

عَلَ، عِ شَ ﭑ نَكِسِ، عِ شَ ﭑ نَكٍلِ.

31 ﭑ قَمَ عَلَ شِلِ مَتْشْدٍ بّيتِ رَ،

ﭑ قَمَ تَنتُي رَ سِفَدٍ عَ مَ.

32 نَ رَقَن عَلَتَلَ مَ دَنفِقٍ سّرّشّ رَ،

هَلِ نِنفٍ كَمَلِشِ نَ عَ رَ،

هَلِ تُورَ قٍرِ كَنيِ نَ عَ رَ، تٌرٍيٍ نَ نَشَن بّ.

33 تْورْ مِشِيٍ سّيوَ مَ نّ نَ تٌقٍ رَ.

نَشٍيٍ عَلَ قٍنمَ، عٍ سِمَيَ شْنكُيٍ سْتْمَ نّ.

34 عَلَتَلَ عَ تُلِ مَتِمَ سٍتَرٍيٍ رَ،

عَ مُ نّيمُمَ عَ شَ مِشِيٍ مَ عٍ شَ تْورّ كُي.

35 كٌورٍ نُن بْشِ شَ عَ مَتْشْ،

بَا نُن يّشّييٍ شَ عَ بِنيَ.

36 عَلَ قَمَ سِيٌنِ رَكِسِدٍ،

عَ يُدَ تَايٍ تِمَ نّ.

عَ مَن حَمَ سَبَتِ نَا،

نَا شَ قِندِ عٍ فبٍ رَ.

37 نَ قِندِ مَ عَ شَ كٌنيِيٍ شَ مَمَدِيٍ كّ نَن نَ.

عَلَ شَنُنتٍنيِيٍ قَمَ نّ لُدٍ نَا.