14 Ni mu buuna, bambaahi ba litondo, kebaani mu ubaakuunda bifwita. 15 Me ndi mu utoyo na benu we huli baatu ba nga buyedi. Silasaani benu mwakulu ma me ndi mu undeele. 16 Mbuungu yi lisyeme, yi bisu libaafutala Nzambi matondo, ŋa lili mu unywa yo, a yili itwadi hya bisu na makila ma Kristo ve? Lipa li bisu libaatabula, ŋa lili mu udya ilaambu hya Pfumu, a lili itwadi hya bisu na nyutu a Kristo ve10.16 Mty 26.26-28; Mlk 14.22-24; Luk 22.19-20? 17 Mu tooni ati, lipa lili ndulu limosi. Tso bu bisu lili ba balahi, bisu lili nyutu mosi, na bisu lili mu ukabasana lipa limosi liniili.
18 Monwaani buli li Isereli: baatu ba bali mu udya banyama, ba bayeholo mu bungodu bwa itwadi na Nzambi. Buuna, bo bali mu ukuunda nde mu nzila mo yiina10.18 Lev 7.6,15-16. 19 Hima me ndi mu undeele? Ti nyama wu baayeholo mu bungodu huli bifwita li na tsoongo? Buuve ti ifwita hili na tsoongo? 20 Naana! Ka bi bali mu uyeholo, bali mu uyeholo byo huli bifwita, bali mu ukuunda matengo, ka a Nzambi ve. Ni mu buuna, me a hatondi ti benu liba itwadi na matengo ve. 21 Benu utwala unywa nzila mosi mbuungu a Pfumu na mbuungu a matengo ve. Benu utwala utsahala nzila mosi ŋa meetse ma Pfumu na ŋa meetse ma matengo ve. 22 Buuve bisu litondi ti Pfumu10.22 Pfu 32.21 abahila bisu a benu nyengi? Ti bisu a benu laalutahala nde mifudi?