Ilaambu hya Pfumu
17 Mu mambu ma mu udukala, mu li litali makutuunu ma benu, me a hunzuusa benu ve. Mu tooni ati, mu makutuunu ma benu, benu a lili mu uvaanga ma mabwe ve, ka fula-fula ma mabi. 20 Monwaani: ŋa benu lili mu upfuutana, a ilaambu hya Pfumu benu libaadya ve. 21 Mu taangu yi benu libaatsahala ŋa metse, muutu muutu ubaabingalala udya ilaambu hya nde mwakulu. Ni mu buuna, bakima na nzala, bakima na malaangi. 22 Benu a lili na manzo ma ubaadya na ubaanywa ve? Buuve benu libundu la Nzambi lili mu upenye, na umweese ba baavele na pasi isiha tsonyi? Hima benu libaakeele ti me ndeele benu? Ti me nzuusa benu? Naana, mu mbuli me utwala uyuusa benu mu dyambu mo liina ve.
27 Ni mu buuna, woosi wu udya lipa buuve unywa mbuungu a Pfumu hwavele usungama, sa abaha tooni yi masumu ŋa busu bwa nyutu na makila ma Pfumu. 29 Mu tooni ati, tso muutu diidi lipa mo liniili na nywiidi mbuungu mo yiniiyi, hwavele utsikaha itwadi hya byo na nyutu a Pfumu, nde li mu udya na unywa tsundusu a nde mwakulu. 30 Ni mu tooni mo yiina, ba balahi ŋa hati la benu bali babeedu, banga bipiha, na ba balahi baamiikwa.
33 Ni mu buuna, ŋa benu libaapfuutana mu ilaambu hya Pfumu, baakeelaani bana.