Bungodu bu Livupu la Ngidi
1 Bunuubu, baana ba ngu, liyambilaani mu ma mali mu tala bungodu bu Livupu. Me tondi ti benu liyaaba imbuli mu tooni a bwo. 2 Benu liyaabi ti, ŋa benu laaba kini bangoyi, benu laabwidi mu linyungi li bifwita bi byaveletoyo. Benu a laakatwala ubisala byo ve. 3 Ni mu buuna, me ndi mu utsilasa benu lo. A hu li na muutu ve, wu Livupu la Nzambi libaatuma, wu utwala ufulaha ti: «Yisu aba wu baasinga!» Na a hu li na muutu wu utwala mu uleele ti: «Yisu li Pfumu», tso Livupu la Ngidi a lili mu usala mu nde ve.
4 Hu li na bungodu bwa pila mu pila, ka Livupu ni lo limosi libaava bwo. 5 Hu li na bisalili bya pila mu pila, ka Pfumu ni nde mumosi bubaasalila. 6 Hu li na bisalu bya pila mu pila, ka Nzambi ni nde mumosi li mu uva matwala huli baatu boosi mu uvaanga byosi. 7 Mu pasi muutu, Livupu la Ngidi libaamonehele mu bungodu bwa muutu-muutu, mu tooni libwe la baatu boosi.