Ndongisili mu litondo
1 Tso me ndi mu utsuha mandaha ma baatu na ma bapofi, me upele na litondo, me a handi na tsoongo ve. Me apfwanina na kulambeete buuve binzanza bi bili mu usa kele.
2 Tso me ndi na bungodu bu ubihula, buuve bwa nzaabili yoosi, na utsikaha matswehi moosi, na tso me ndi na imiinu hi usobo bisyelo mambuha, ka tso me peli na litondo, me a handi na tsoongo ve!
3 Tso me kabili bya me byosi huli bapuumbu, tso me nzyehuli nyutu a me mana batsuha yo, ka me upele na litondo, maana moosi a mali na kaluha huli me ve.
4 Litondo lili na mukami, lo lili na bulembo, lo nyengi ve, lo nyeme ve, na lo a libaasaha umonehele ve. 5 Litondo a libaasa mambu ma tsonyi ve, lo nyinga ve, lo a libaakwakesi ve na lo a libaakaanga piinga ve. 6 Litondo a libaamono kinya mu mavaanga ma mabi ve, ka lo libaamono kinya mu mambu ma imbuli. 7 Litondo libaakunda moosi. Mu pasi dyambu, lo libaaba na imiinu, na hiitu, na mukonono.