Nyutu a ba baasuuha mu babaakwa
35 Ka muutu sa afuula: «Buni babaakwa buusuuha mu babaakwa, na ki linyutu bo buuba na lo?» 36 Muutu wu iyahudi! Ŋa we ubaakuna libutu, lo libaapanduha humbisa a hu lo limiikwa. 37 Hi we miikuna hili ndulu libutu, peleve libutu la bele, buuve libutu likima, ka a mutswihala nde mwakulu wu ubuuha ve. 38 Titswene, Nzambi ubaava huli libutu, nyutu yi nde atondi. Nde ubaava pasi libutu nyutu yi yafwana na lo.
42 Buuba bumosi mu ba baasuuha mu babaakwa. Ŋa bamiidiiha nyutu mu toto, yo yibaabolo. Ŋa yo yuusuuha mu babaakwa, yo yibaaba yi yaavelebolo. 43 Ŋa bamiidiiha yo, yo yili yi yaatsambama, na yi yaavele mifudi. Ŋa yo yuusuuha mu babaakwa, yo yuuba yi muyusu na mifudi. 44 Ŋa bamiidiiha mu toto, yo yili nyutu a toto, bu yo yuusuuha mu babaakwa, yo yuuba nyutu yi Livupu la Nzambi. Ni buuna, hu li na nyutu a toto, hu li kaka na nyutu a Livupu.