45 Mu mbuli, Mabasonehe mali mu huleele: «Muutu wa hati a tsomi, Adami, akituhi ivaangu hya moonyi✝.» Ka Adami wa tsyelele, aluula mu Livupu li libaava moonyi. 46 A nyutu livupu yibaateehele ve, ka nyutu a toto. Titswene nyutu livupu yibaaya humbisa. 47 Adami wa hati a tsomi, baavaangi nde mu mufuundu a toto. Adami waboole amati hu mayulu. 48 Baatu ba ŋa toto baafwanina na muutu wu Nzambi haavaangi mu mufuundu a toto. Uto ti baatu ba hu yulu, bo baafwanina na muutu wu amati hu mayulu. 49 Na bu bisu lili mu ifwaani hya muutu wu Nzambi haavaangi mu mufuundu a toto, bumosi kaka bisu sa liba mu ifwaani hya muutu wu amati hu mayulu.