Mvutu mu byuhu bi makwele
1 Bunuubu, limamonwaani ma benu laasonehele me mu muhanda a benu mu tooni makwele. Benu laafula me tso hwafwana huli bahala buuve mukaasu mu upfuuta taangi7.1 Bakima bali mu utsima ti Pahuli li mu ulongese libundu ti, hufwani huli Bakristo mu uvelekwele.. 2 Ka mu tooni uvelekoto hutso bumbembo, pasi bahala laafwana uba na mukadi a nde, na pasi mukaasu afwana uba na mulumi a nde.
8 Mono ma me tondi uleele huli bapalaata7.8 bapalaata muutu wu avele na mukadi buuve mulumi. na huli bakwili: hufwani huli benu mu uhwada mu ubaaba siha we me. 9 Ka tso benu a litwali ukama mutima mu uba palaata ve, kwelaani: bubwe mu ukwele, mu uvelekwamisa nyutu mu manzala ma musunya.
Byuhu mu tooni a ba baavelekwele na bakwili
25 Mu ma mali mu utala banuumba ba baavelekwele, me a handi na tumili a Pfumu ve. Ka me ndi mu upa matsimi ma me, we muutu wu baatu buusiila hiitu, mu tooni a bubwe bwa Pfumu.
26 Mu tooni munyongi a tangu mo yiniiyi, matsimi ma me ni maniima: hwaafwana huli pasi muutu mu ukwilala we bu nde ali. 27 We li bahala li laakwele? A ubila utsala kwele ve. We a hali wu akwele ve? Nyaha usaha ukwele. 28 Ka tso we kweli, we a hasiidi lisumu ve. Na tso nuumba kweli, nde a hasiidi lisumu ve. Ka ba buukwele, buubwana na mapasi mu idiingu hya bo hya pasi ilumbu, na me tondi uyibusa benu mana benu a libwana na mapasi mo maana.