Mbiingili mu Yisu Kristo
14 Ka lifutalaani matondo huli Nzambi, mu tooni ati, nde li mu ubita bisu mu koonge a mbiingili itwadi na Kristo. Mu bisu, nde li mu uyabisa nduhi a Kristo huli baatu. Nzabisili mo yiina, yafwanina na tsulu yimbwe ya nyafi yi yili mu utsaamuha mu mambuha moosi. 15 Mu mbuli, bisu lili ŋa busu bwa Nzambi we nyafi yi bungodu bwa tsuhili ya Kristo, yi yili mu upalisa tsulu yimbwe. Bisu lili nyafi ya Kristo, ŋa hati la ba bali mu uyoboho na ba bali mu ukwa. 16 Huli bamosi, yo yili tsulu yi lipfu, yi yili mu ubita hu lipfu. Huli bakima, yo yili nyafi a moonyi, yi yili mu ubita hu moonyi. Na li na mifudi mu ukuhasa isalu mo hiniihi? 17 Mu mbuli, bisu a lili we bakima ba balahi ba bali mu usuumbasa mambu ma Nzambi ve. Ka Nzambi ni wu atsindaha bisu, na bisu ubaatoyo na imbuli ŋa busu bwa nde, itwadi na Kristo.