2 Koliito 6

4 Homo, mu pasi musamu, bisu libaamonehele basalili ba Nzambi ba mbuli. Bisu lili mu ukuunda na mukonono woosi, mapasi, minyongi na boomo. 5 Baabeeti bisu na baabwaahi bisu mu kondaayi✝6.5 Mav 16.23, baatuumbisi baatu mu usa isalu hya bisu muyunga. Baakwamisi bisu bisalu bya pasi, bisu laakakiila iriimba na laakadya ikaandi. 6 Bisu lili basalili ba Nzambi bangidi, banga a nzaabili, banga mukami na banga mutima bubwe. Livupu la Ngidi libaasala mu bisu, litondo la bisu lili la mbuli, 7 bisu lili mu uyabisa musamu wu imbuli mu matwala ma Nzambi. Mu hooho hwa mbahala na hwa kaasu, bisu lili na bilwanili bi butsiitsa bwa Nzambi. 8 Baatu bubaayuusa bisu, na bakima bubaarokolo bisu: tso utuha bisu tso ukiinza bisu. Bo bali mu utsima ti bisu bapfuti lili, ka hwande bisu imbuli lili mu uleele. 9 Bo bali mu uvolo bisu we baatu ba baaveleyabahana, kaahu baayaaba bisu bubwe-bubwe. Bo bali mu umono bisu we baatu ba baaka mu ukwa, kaahu bisu lili moonyi. Bo bali mu usyembe bisu hu unono, kaahu bo a bali mu uduba bisu ve. 10 Bo bali mu uva bisu lingebe, ka hwande bisu lili mu kinya. Bo bali mu utsima ti bisu biyaha lili, ka bisu lili mu usa ti baatu ba balahi baba bisina. Bisu lili mu umonehele we ba baavele na isiha, kaahu mu mbuli, bisu laabaha byosi!