Chiyubunuzyo 14

Mwana Wambelele Abantu Bakwe

1 Eelyo ndakalanga, mpawo ndakabona, kwakaliimvwi Mwana wambelele achilundu chaZiyoni, wakali abantu balizyuulu zilimwaanda azyuulu zilimakumi aane azyuulu zine bakali azina lwakwe azina lyaWisi kalilembedwe ankumu zyabo. 2 Mpawo ndakamvwa ijwi lizwa kujulu lyakali mbuli kuvuuma kwameenda mayiingi ayeenda ambuli muzuzumo mupati, muzumzumo ngundakamvwa wakali mbuli muungumina wabasituntimbwa mbubalizya tuntimbwa twabo, 3 Mpawo bakayiimba lwiimbo lupya kunembo lyachuuno chabwami akunembo lyazinyama zine zipona abaalu. Taakwe pe unga ulayiiya lwiimbo oolu kunze kwabali zyuulu zilimwaanda azyuulu zilimakumi aane azyuulu zine zyakanununwa kuzwa kunyika. 4 Aaba mbaabo baalumi batakwe bakalisofwaazya pe abanakazi, nkaambo tabanaswanana abanakazi pe, mbimbabo batobela Mwana ambelele koonse nkwaya, aaba bakanununwa kuzwa kubantu mbuli michelo mitaanzi yaLeza waMwana wambelele, 5 Alimwi mumilomo yabo teemwakajanwa bubeji, nkaambo tabakwe mulandu pe.