Atos 16

10 Paulu mbwaakamanina feela kuba ecilengaano eci, twakalibambila*16:10 Aciindi eeco Luka wakasangana o Paulo, antoomwi o Sailasi o Timoti. Iino Luka mbwalimulembi we bbuku lye Misebezi ya Baapositola, wakatalika kulemba kuteeti "swebo." kwiinka ku Masedoniya kaambo twakabona kuteeti Leza wakatwiitila kukambookela bantu bookuya Makani Mabotu.

Kusanduka kwa Lidiya womu Taindi Pati lya Filipi

11 Twakainka o mugolo mupati kuzwa ku Tilowasi okwiinka olwizi-olwizi ku Samotulasi, buzuba bwakacilila twakasika ku Niyapolisi. 12 Kuzwa ooko twakainka ku Filipi lyalitaindi pati liyandisi mucooko ca Masedoniya mwalikukala ba Maloma banji. Twakakala kwateni tuzuba-zuba. 13 Mu Nsabata twakazwa mutaindi*16:13 Mucigiliki, "zitendele zyamanjililo zye taindi pati." Taindi pati lyazingulukidwe obwaanda. Iino Kwali manjililo ngibali kubelesya bantu kukunjila okuzwa mutaindi pati. Manjililo ajesi zitendele zidiide. Eeyi milyango yalikwiitwa kuteeti "milyango yetaindi pati." Paulu abeenzinyina bakainda aluumwi weeyi milyango kukwiinka kumulonga. okwiinka kumbali o mulonga, ooko kutwalikuyeeya kuteeti inga twajana cibaka kobaswanaana Majuda kukukomba. Twakakala ansi o kutalika kwamboola abanakazi balikubungene kwateni. 14 Umwi waabo bakatumvwa wali Lidiya woku Tiyatila wali sikuuzya masila omusyobo wecisombo adula loko. Wali mwanakazi wali kukomba Leza. Naalikuswiilizya, Mwami wakamujula moyo kuteegwa azitambule zyalikwaamba Paulu. 15 Naakamana kubbabbatizigwa antoomwi abengʼanda yakwe, wakatwiita kungʼanda yakwe, kateeti, "Amuze mukale mungʼanda yangu na mwazumina kuteeti nconzyo ndili musyomi wo Mwami." Wakatukombelezya mane twazumina kwiinka kulinguwe.

Paulu o Sailasi Basowelwa Muntolongo

16 Bumwi buzuba katuyoobuya kucibaka cokukombela twakaswanwa o musimbi muzike wakanjilidwe muuya mubi walikumupa kusonda. Walikujanina basimalelaakwe mali manji kwiindila mukusonda kwakwe. 17 Walikuyoobucilizya Paulu aswibo kayooboongolola kuteeti, "Aaba baalumi mbazike ba Leza Sijulu lya Majulu, baambilizya mbomunga mwafutuka."