3 "Amumvwe! Kwali umwi mulimi wakainka kuyoohasa mbuto. 4 Naakali kuhasa mbuto mumuunda, zimwi zyakawida mumbali enzila, mpoonyina bayuni bakasika okuzilya. 5 Zimwi mbuto zyakawida munyika yebbwe lipateme4:5 Ndibbwe lipateme, liyalidwe, litandabede. Oobu bupanduluzi bwapegwa kaambo kokwiindana mboliitwa bbwe eeli muzilalaanda zyobu Toka-Leya. yakajesi muse muce. Mpoonyina imbuto eezyo cokufwambaana zyakamena kaambo muse wakali muce. 6 Mpoonyina zuba nilyakabala, zyakapya okuyuma kaambo miyanda taakwe niyakainka loko ansi. 7 Mbuto zimwi zyakawida munyika yakamenede myuumvwa. Mpoonyina nizyakakomenena antoomwi, myuumvwa yakazifundilizya zisyango okuzisinkilizya, cokuteeti zyakakacilwa kuzyala micelo. 8 Mbuto zimwi zyakawida mumuse mubotu, zyakamena okukomena okuzyala micelo. Zimwi zyakavuzyanya makumi otatwe, zimwi makumi aali cisambomwi, zimwi mwaanda."
9 Mpoonyina Jesu wakamanizya okuteeti, "Amuswiilizye namulaamatwi okumvwisya!"
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)