Ilubuka lya Yesʉ
1 Ekɨro ky'eSabato kyabere kyahwa, Marɨa w’ɨMangɨndala, na Marɨa nyinya wa Yakobo, na Salome, mobagʉla marasi bʉshana n’ɨyahakawo ko kinda kya Yesʉ. 2 Moyenga, mo mambya, ko ndambi erɨshɨ lyathangaga ɨhʉlʉka, mobaya ho lɨsɨnda. 3 Nabo mobagenda niababutsania bathɨ: «Nɨ ndɨ yo wathukunira eribwe eryo lɨrɨ ho kyɨngɨrɨro ky’erɨsɨnda?» 4 Bagenda abanegena bathyo kʉshangwa eribwe lyabyaga inene kʉtsɨbʉ. Hewethuwe babere bashʉmba mesho, mobashʉnga kw’eribwe eryo lyamalire ikunwa emʉsɨke. 5 Abakatsɨ abo mobɨngɨra mw’ɨsɨnda, n’omo mobashʉnga mʉthabana mʉgʉma n’ikere ko lʉhande lwa malyo, niambithe ropo ya mʉshohe. Nabo mobashalima. 6 Hewethuwe omʉthabana oyo, mwabwɨrabo athɨ: «Mʉthʉbahaga! Omushondya Yesʉ w’iNasareti oyo wabambawa ko mʉsalaba. Alubukire, athakɨrɨ hano. Mʉlole, hano ho bamʉbɨkaga. 7 Mʉgende lɨno mʉyafʉlɨre abɨga bʉwe na Petero b’omwatsɨ mʉthɨ: "Amabathanga iNgalilaya, nemwe mwamʉshʉnga eyo nga kw’ababwɨraga."» 8 Aho mobathoka kw’ɨsɨnda lya Yesʉ n’ɨthɨbɨtha tsʉba, kʉshangwa babyaga niabathithimana n’ɨshweka kʉtsɨbʉ. Nabo mobathabwɨra mʉndʉ woshi-woshi, kʉshangwa mobʉbaha.
Yesʉ ahʉlʉkɨra Marɨa w’ɨMangandala
(Mat 28:9-10; 18:20; Luk 24:13-53; Yoa 20:11-23; Mɨko 1:6-11)
[