14 Ko nduli Yesʉ mwahʉlʉkɨra abɨga bʉwe ikumi n’omʉgʉma babere balɨ abalya. Naye mwakemerabo bʉshana n’obʉthɨkɨrɨtsya bwabo na bʉshana n’obʉkalwe bwabo. Mwakemerabo athyo kʉshangwa mobathɨkɨrɨtsya abo bamʉlolagako enyuma y’erilubuka lɨwe. 15 Honyuma kw’aho mwabwɨrabo athɨ: «Mʉgende mo kɨhʉgo kyoshi mʉfʉlɨre obʉlɨ mʉndʉ y’Engʉlʉ Mbʉya. 16 Obʉlɨ mʉndʉ yo wandɨkɨrɨtsya n’ibatisibwa andashabʉlwa, hewethuwe oyo ʉthɨndɨkɨrɨtsye andasohwa. 17 N’abo bandanyɨkɨrɨtsya bandagenda abakola ebɨmɨnyɨkalo bɨno: "Omw’ɨtsɨna lyaye bandabɨnga emɨtsɨmʉ mɨbɨ, bandanegena mʉ mɨnegene mihya-mihya, 18 bandatsɨmba esonzoka mo minwe yabo kʉtse namo bangalya kɨmbʉlɨ-mbʉlɨ, bathɨndafwe kɨndʉ, bandahira eminwe yabo ko bakoni, n’abakoni bandalama."»
Yesʉ irukibwa mo lʉbʉla
(Mɨko 1:9-11)