21 तैखन मूसे इस्राएलेरे सब बुज़ुर्गन कुजेइतां ज़ोवं, "तुस अपने-अपने कुलेरे मुताबिक अक-अक गबड़ू अलग केरतां रेखथ, ते फ़सह तिहारेरे दिहाड़े तैन बलि केरथ। 22 ते जूफारो अक गुच्छो तैसेरे खूने मां डोबतां तैस दारे पुड़ सामने बाह ते दारेरे दूईये पासन भी लेइयथ, ते झ़ेझ़ां तगर तुसन मरां कोई भी बेइर न निस्से। 23 किजोकि यहोवा मुल्खे मांमेइं निस्तां मिस्री लोकन मारतो गानोए, एल्हेरेलेइ लेई ज़ैड़ी-ज़ैड़ी दारे पुड़ ते दारेरे दूईये पासन तै खूनेरो निशान लेइहोलो, तैड़ी-तैड़ी तै तैस दारे छ़ेडतां अग्रोवं गानोए, ते नाश केरनेबालन तुश्शे घरन मां मारनेरे लेई एजने न देलो।