5 तैखन तैसां हेरू कि फ़िरौनेरी कुई दरियाए पुड़ निहाने अई ते तैसारी सहेली दरियारे बन्ने-बन्ने हंठने लेगि, ज़ैखन तैसां झ़ैल्लन मां टोकरी लाही ते तैसां अपनि सहेली भेज़ी कि गाथ एस टोकरी इरां आनां। 6 त ज़ैखन तैसां टोकरी खोल्ली त तैस मां मट्ठू लावं, तैन मट्ठू लेरां देंतू थियूं, तैखन तैस तरस अव ते तैसां ज़ोवं, "ऐह कोन्ची इब्रि केरो बच्चो भोल्हो।" 7 एत्रे मां तैस बच्चेरे बेइनां फ़िरौनेरे कुइये सेइं ज़ोवं, "कुन अवं गेइतां इब्रानी कौन्शन मरां अक दुद्ध पियाने बाली कौन्श तीं कां कुजेइतां एन्हीं, ज़ै तेरे लेई एस बच्चे दुद्ध पियाए?" 8 फ़िरौनेरी कुइयां जुवाब दित्तो, "हाँ, गा।" तैखन कुइयां गेइतां तैस बच्चेरी अम्मा कुजेइतां आनी। 9 तैस बच्चेरी अम्मा एजनेरे बाद फ़िरौनेरी कुइयां तैस सेइं ज़ोवं, "तू इस मट्ठे नेइतां दुद्ध पीया अवं तेरी मज़दूरी तीं देइली।" तैखन तै कौन्श तैस बच्चे नेइतां दुद्ध पियाने लगी।
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)