1 Deapoea vidzui un tser nou sh-un loc nou. Tserlu di prota sh-loclu di prota s-dusirã sh-amarea nu easti ma. 2 Deapoea vidzui Cãsãbãlu atsel Sãmtu, Ierusalemlu atsel noulu dipunãnda dit tser, di la Dumnidzãlu sh-eara azãrãsitã ca nveastã stulisit trã dzinirli a ljei. 3 Atumtsea avdzãi unã boatsi analtã dit thron cai dzãtsea: "Ia, tenda a Dumnidzãlui easti cu oaminjlji! Sh-elu va s-bãneadzã cu nãshi sh-elji va hibã populu a lui. Idyiul Dumnidzãlu va s-hibã deadun cu elji. 4 Dumnidzãlu va ashteargã cathi lacrimã dit ocljilji a lor, sh-moartea nu va hibã ma, nitsi jali, nitsi vãitari, nitsi dureari nu va aibã ma, cã atseali di prota tricurã."