Mateus 4

Cãrtearea al Isus

1 Atumtsea Duhlu lu adusi Isusul tu irnjii, tsi draclu s-lu cãrtea. 2 Shi dupã tsi tsãnu pãreasinji patrudzãtsi di dzãli sh-patrudzãtsi di noptsã, ma napoi u acãtsã foama. 3 Atumtsea cãrtitorlu, dupã tsi lji s-apruche, lji dzãsi: "Ma s-hii Hiljiu a Dumnidzãlui, dzã tsi chetrili aesti si s-facã pãnji." 4 Ma elu lj-apãndisi: "Scritura dzãtsi: ‘Omlu nu bãneadzã mash cu pãni, ma cu cathi zbor tsi easi dit ✝4:4 Deut 8:3.gura a Dumnidzãlui.’" 5 Atumtsea draclu lu adusi tu sãmtul cãsãbã sh-lu bãgã tu mãyeaua a templui, 6 sh-lji dzãsi: "Ma s-hii Hiljiu a Dumnidzãlui, arucã-ti nghios, cã Scritura dzãtsi: ‘Elu va da ordin a anghiljilor a lui trã tini, sh-atselji va ti tsãnã tu mãnjili a lor tsi s-nu agudeshti cu ciciorlu a tãu vãrã ✝4:6 Ps 91:11,12.cheatrã.’" 7 Isusul lj-dzãsi: "Scritura dzãtsi tutashã: ✝4:7 Deut 6:16.‘S-nu lu cãrteshti Domnul, Dumnidzãlu a tãu.’" 8 Draclu lu dusi dinou pri un munti multu analtu sh-lji aspusi tuti amirãriljili a lumiljei sh-mãrirea a lor, 9 sh-lji dzãsi: "Mini va tsã li dau tuti aesti, macã tini cadz pri dintsã nãintea a mea sh-va-nji ti-ncljinji." 10 Atumtsea Isusul lji dzãsi: "Fudzi, Satane, cã easti scriatã: ‘✝4:10 Deut 6:13.Alavdã Domnul, Dumnidzãlu a tãu, sh-huzmitipsea mash nãsu.’" 11 Atumtsea draclu lu alãsã, sh-ia, s-apruchearã anghilji tra s-lji huzmitipsea.