Mateu 9

Isusul Vindicã unã Muljeari sh-Nyeadzi unã Featã

18 Cãndu Isusul lj-dzãtsea aestã, s-apruche un di mãrlji a sinagogãljei, cãdzu pri dintsã nãintea a lui sh-lji-dzãsi: "Macãt nj-muri hiljea, haidi sh-bagã mãna pri nãsã sh-ea va bãneadzã." 19 Isusul si sculã shi s-dusi dupã nãsu deadun cu ucenitsilji a lui.

20 Sh-ia, unã muljeari tsi di doisprãdzatsi di anji lj-cura sãndzili, lji s-apruche di nãpoi sh-bãgã mãna tu mardzina a stranjilui a lui. 21 Cã dzãtsea cu mintea a ljei: "Ma s-bagã mãna la stranjiu a lui, va mi vindicã." 22 Isusul s-turnã, lu vidzu sh-lji dzãsi: "S-ai curaiu hiljea a mea, pistea a ta ti vindicã." Shi tu ora atsea muljearea s-vindicã.

23 Cãndu Isusul agiumsi la casa a marlui a sinagogãljei sh-vidzu fluerãtorlji sh-multsãmea tulburatã, 24 lã-dzãsi a-lor: "Dipãrtats-vã cã feata nu ari murit, ma doarmi." Sh-elji arãsir cu nãsu. 25 Deapoea, cãndu multsãmea u-scoasirã nafoarã, elu intrã, u-acãtsã di mãnã sh-ea si sculã. 26 Sh-hãbarea aishtei anami s-arãspãndi tu tut loclu.