13 Lusu lumu, bandu haba visha baana ba balengi udi Yeesu tii, waba fiyugudi. Habobwa dingisi yayi haya banyajya baaba bandu. 14 Yeesu bwebu mona biibi, haya wata iizi na haya boya: «Musami baana ba vueye kwanidi mimi. Musami uba zimbila manee Butangala bwa Kabejya* bwa bandu balu fwandana nabu. 15 Nidi muu mi sawiila unindu: Yoowa gooso sha tambulanga Mahuya ga Butangala bwa Kabejya* bidi mwana wa mulenge, kokoko ndo shweela monga.» 16 Ihani Yeesu haya yambidila baaba baana na uba hibiila mabo’o gaayi, yumu na yumu, na haya ba fiyugula.10.16 Ukaana bibi mwaana mu shoo lola Matayo 18.3; na lola lungi Malako 9.37 manee goo ba tambula baana ba shoo.
Yeesu na mundu gudi na mona
(Mat 19.16-30; Luk 18.18-30)