1 Haŋa hee kila lusu lwa sabato, Malia wa Magdala na Malia najye na Yakobo, na Salome be ula maani mavumba kwa kuka lalabisha lukoba lwa Yeesu. 2 Mukisi pee, lusu lwa yinga, haki somba yuba ku nyomoka haba yena kumufungu. 3 Muzila ibo kuyenanga haba siki kwiyujyujyena ti: «Ni naani utu kungumunina dedya ibu didi kukibelo kya mufungu?» 4 Nembebya haŋa habe tundula meeso mabo, haba mona ti dedya ibu dyene dikata dya kungumunibwa hangondo. 5 Haŋa baba baabakazi habeshwela mumufungu; haba mona enda yumo, udi buyakane mwazyo mulume we tubila ngubu yitokatoka pee, habee mu mona haba tiina. 6 Haŋa yowa enda byaba saudila ti: «Ndamutiina! Ngiyuka ti mukimukeba Yeesu wa Nazaleti, yowa wabe komena misumadi haulu ha musalaba; wazikuka! Ndadi haaŋa lungi, mulole bua dyabee mutundumika. 7 Haŋa, mwene muka saudile mitonge yaye na Petelo ti: wabatondokela ku Galilaya. Kokwa ni muka mumona bebya byeba saudileye.»

8 Hakeaŋa baba baabakazi haba hezela haaza ya mufungu haba yena kabilo, bene muku sheeka na kuzeza na ndabee saudila mundu kumona bene na moyo.

[9 Yeesu he fukukeye mukisi pee lufuku lwa yinga, we nyomokela bangu Malia wa Magdala. Yowa we shejya Yeesu mizuka musambo. 10 Yowa Malia bya yena kuka saudila baa mitonge ba Yeesu wowa musau, mukekya kindi benange mumadilo na mukudila. 11 Boobwa bwabutelegejya Madiya muusagula ti, Yeesu gudi muumi na ti, eyu Madiya gubumona, ndabutabu'a.

12 Biibi byooso ukila, Yeesu haya yimonesha na lweebu luungi udi mitakibwa yaayi yibidi, ebu ayinanga muzila, yiluyelela kwaabu. 13 Na baaba babuweena asawilanga bangi, na baaba babuwena asawilanga nababubatabu'a.

14 Manyuma hashoo, Yeesu haya yimonesha u mitakibwa yaayi umi na yumu hanha hababwanangi muudya biyaazi. Haya batanyunwiina manee ga ulungila kwaabu ushu na matima gaabu goomini. Manee ndababutabu'a mahuya ga baaba babumumona hanha hebufuulu'a munda mwa bandu babu mota. 15 Ihani haya basawiila: «Mwenangi mu bwinaandu booso na mwenangi mwabasawiidi Mahuuya Gahyagahya u bwinandu booso boobwa Kabejya bwebubumba. 16 Yoowa wooso watabuanga Mahuuya Gahyagahya na umuyabi'a wa shoanga. Na yoowa wooso wakezemanga utabu'a, Kabejya wamutitiminyanga. 17 Kabejya wabagabilanga baaba batabuanga, boota bindu byoo hanunusha baandu: Ukidila zina dyaami, bajyanganga misimbusimbu munda mwa bandu. Na basagulanga busagudi buyabuya. 18 Bawatanga nyo'a na mabo'o gaabu. Ishu boonya bindu byoobahega, bindu byoo bahega ndyabyoobata indu. Bahibianga mabo'o gaabu heegulu wa bandu badi lufu, na ebu bafuanga».

19 Haŋa Vidi Yeesu hebuhwa ubasawiila bandu biibi, hayabaanda heegulu u lububi, na haya kaana mughela munumi wa ubo'o kwa Kabejya. 20 Ihani mitakibwa yaayi haya weena atanga mwandu u bandu booso wa Mahuuya Maleela mu bwinandu. Ngana gubuta bindu byabutu hamonga nabu, na haya bagabila butangala boota bindu byoo hanunusha bandu, koomonesha ti, mahuuya gabadi muta mwandu u bandu nga unindu.]