1 Haye bambana mukisi pee, bakulu ba bamupelo ha badya mulangu kukumo na banunu, na balangidishi ba buta, bya bata kaole kumuzitika Yeesu na kumu buula byaba mushwala busu bwa Pilato. 2 Pilato bya yuujya Yeesu ti: «Ngwinikindu beebe ni Kolo wa Bayaudi?» Yeesu bya yaka: «Beebe ni wayakula».

3 Bakulu ba Bamupelo haba fikila bindu byabule kudi Yeesu. 4 Haŋo Pilato bya yuujya Yeesu lungi ti: «Iba buubu, nduki yaka kindu mumaa mauya mabavisha na kufikila kwaudi beebe?»  5 Haŋo Yeesu ndemuyaka kindu ni Pilato bya sheeka.

6 Yene bwaama kila kiandu kikata kya Pasaka, Pilato wahangudile bandu mundu yuumo yidi buzitikibwe wabivula. 7 Mukekya kindi, kwenange kilwanyi yumo we taanibwa Balaba, wene buzitikibwe kukumo na beezinaye bangi bilwanyi, kumona beyaishisha mundu lufuku lwa beeta luvundu mumukola. 8 Kiandu kikata kya bandu hakyamuyila Pilato na kusomba kumuajya wabatele bebya byene bwama bwaye. 9 Pilato bya bayujya ti: «Mukivula namulekedele Kolo wa Bayaudi?» 10 Uva bayujya bebya kumona uva yuka bilweela ti bakulu ba Bamupelo bava tula Yeesu mubiboko byaye kwa mukau.

11 Haŋo baba bakulu ba Bamupelo haba sosela kiandu kya bandu bamuazye Pilato waba zitudile Balaba.

12 Pilato bya yujya lungi kiandu kyabandu: «Haŋa mukivula nate bini na yuu wamukitaana Kolo wa Bayaudi?» 13 Haba bazya miuya nakuboya ti: «Umukomene misumadi haulu ha musalaba».

14 Pilato bya bayuzya lungi ti: «Mbuke bubi bwateeye?» Haŋo ibo haba yaba lungi na kubazya miuya na kuboya ti: «Umukomene misumadi haulu ha musalaba»!

15 Pilato kwa kuvula kulwejya kekya kiandu kya bandu; byaaba zitudila Balaba, kisha bya tesha Yeesu tundendele na kumu tuula ti bamu komene misumadi haulu ha musalaba.

16 Balonga-buvadi haba mushwala Yeesu mukyambala kya mukulu wa kisi, na haba taana kiandu kyoso kya balonga-buvadi. 17 Haba tubila Yeesu ngubu yimonga*, haba zinga kihoo kya meeba, haba muibika kumushu. 18 Haŋo haba somba bangu kumu sambitila na kuboya ti: «Twaku sambitila beebe Kolo wa Bayaudi!» 19 Na haba muta kumushu na malenge, haba mufidila mata; na kumufukikila manyu na kumunyinamina. 20 Haŋa habeewa kumuseelela, haba muhusula yeya ngubu yimonga shuu, haba mutubila lungi ngubu yaye, kisha haba mu nyomosha haaza kwa kuboya ti bamuyae mu kumukomena misumadi haulu ha musalaba.

21 Habenange mukunyomoka mudye bua, haba kumaana na mundu yumo kunyomokela kuma kunda we taanibwa Simoni wene mundu wa mukola wa Kilene. Yuwu wene shabo na Aleksanda na Lufo. Balonga-buvadi haba mukomena ti washwale Musalaba wa Yeesu. 22 Haŋo baba balonga-buvadi haba mushwala Yeesu mubua diki taanibwa Golgota, deedyo zina diki boya ti: «Bua dya kabombo.» 23 Haŋa, Haba mwabila divai didi busobakanyibwe na manemane*, ila Yeesu ndetabuka kumanywa. 24 Haŋo haba musubisha haulu ha musalaba, na kuabaana ngubu yaye muku yitele ndonge kwaku yuka ti kila yowa ubuula kai. 25 Kyee'a ihindi kya babu mu kokela misumani u musalaba, bibwa nangi bihindi bya saa yisatu ya hakeelu. 26 Babusinya mu lubagu, bubi Yeesu bwebuta koo boya ti, bamu titiminyi: «Kolo wa Bayuda.»* 27 Babu suvya balu kuujya bindu bya bandu ba bidi u misalaba, yumu mugela wa munumi na yungi mugela wa mwaazi. [28 Ni bebya byebambana Businyebukiboya: «Webikibwa bua didimo na baaba bakita bubi.»] 29 Bandu babu kidila haŋa mu dyee buga babu mukaya Yeesu na babu tenga mishu yaabu* na haba boya: «Hee! Beebi gubu boya ti, wa hongalanga lubunga* na ulu yenga mu masu ga satu!* 30 Uyi fuudi beebe munindu na uyishajyi haasi ga guugu musalaba!» 31 Na ebo beedi baba mupelo hamonga na balangidishi ba Buta* babu mu seha Yeesu na 'uboya ti: «Gubu fuula babutu, haboobwa uyi fuula eyu munindu ndidi muu samuna! 32 Ishu ngu nindu gudi Masiya, mwanaana wa Isilaeli, wasadi bwangabuni mumu salaba! Ishu twamona biibi, twamu tabu'anga.» Na baaba balukuujya bindu bya bandu babuhudihwa hamonga na Yeesu umisalaba, yumu haya mukaya byangabyeebya.

33 Kusomba yuuba mubwaata na ufi'a u bihindi bisatu bya yogolwa, muzimbwa hawashweela mu bwinandu booso. 34 Habobwa mu bihindi bisa bya yuma, Yeesu haya yaba na muhuuya waataghadi: «Eloi, Eloi, lama sabakatani?» I uboya ti: «Kabejya waami, Kabejya waami kyaayi kyawanisamina?» 35 Bamu bandu babwanangi haŋa bwabutelegejya biibi, hababoya: «Mutelegejyi! Gudi mumutaŋana Eliya!» 36 Mundu yumu mubwaata bwaabu hayaweena mulubilu, haya bugula indu ilufifya meema haya yujya sifongo, haya gaanga u lenge na haya mubazyila heegulu mu buludi bwa kwanywa kwa Yeesu, ti, Yeesu wanyu. Ihani hayaboya: «Mumusami hanga haŋa? Tumoni ishu Eliya wavueyanga kuu musazya heegulu wa musalaba!» 37 Ihani Yeesu hayaba na muhuuya watagadi na haya mota! 38 Mukyanga kyee'a ihindi, ngubu yababuzimba mubwaata bwa lubunga hayatembe'a bihindi bibidi, usomba heegulu na ufi'a haasi. 39 Haŋa habulola ngana ya baalonga buvuadi ba Bayuda gubutebama mabusu ga Yeesu haya mumona byeebye byeebufwa, haya boya: «Guuyu mundu gubwanaangi unindu Mwaana wa Kabejya.» 40 Babaazi bamu babwanangi hanha haasi tega na ebu mulola byeebya bidimuteebwa ebu ula. Mubwaata bwaabu mubwanangi Madiya wa Mgdala, Madiya naajyayi mwaala na Yakobo na Yoze, na Salome. 41 Baaba i babwanangi mumukumba Yeesu na umuvubila; na bangi babutu hababanda nayi u Yelusalemu.

42 Lusu luulu ni lusu wababulonganga bindu bya sabato, 43 Mundu yumu wabalutaŋana Yozefu gubuvueya u Alimathaya hayafi'a 44 Ihaŋa habutelegezya Pilato ti, Yeesu woofwa, haya haanunu'a. Habobwa haya mutaŋana ngana ya alonga buvuadi, haya muyuujya ishu Yeesu uvamotakwinikindu. 45 Haŋa hebutelegejya ngana ya balonga buvuadi yamusawiila na kwanywa kwaayi ti, Yeesu wamota, haya mutabwiila Yozefu ubugula mubidi waayi. 46 Ihani Yozefu haya gula ngubu yito'ato'a na haya weena nayu, haya shajya mubidi wa Yeesu u musalaba, haya guganga mu ngubu, na haya weena haya gumotola munda mwa ivwa dyababusooya munda mwa abu. Ihani haya bugula abu katakata, haya bwiila u kwanywa kwa ivwa. 47 I ebu Madiya wa Magadala na Madiya naajyi na Yoze babumona bugha nyababu bii'a mubidi wa Yeesu.