Job 35

1 Konsa, Élihu te kontinye. Li te di:

2 "Èske ou sipoze ke ✝35:2 Job 27:2ou ge dwa sa a?

Èske ou ap di ‘Ladwati pa m nan depase sa k nan Bondye a?’

3 Paske ou mande: ‘Ki avantaj sa ye pou ou?

Ki ✝35:3 Job 9:30-31pwofi m ap jwenn ki plis pase si m te fè peche?’

4 Mwen va reponn ou,

menm ak zanmi ou yo tou.

5 ✝ 35:5 Jen 15:5 Gade nan syèl yo pou wè;

epi gade byen nan nwaj yo.

Yo pi wo pase ou.

6 Si ou te peche, ✝35:6 Pwov 8:36kisa ou akonpli kont Li?

Epi si transgresyon ou yo anpil, kisa ou fè Li?

7 Si ou jis, ✝35:7 Luc 17:10kisa ou ba Li, oswa kisa Li ta jwenn nan men ou?

8 Mechanste ou ka donmaje yon nonm tankou ou menm,

e ladwati ou gen benefis pou yon fis a lòm.

9 "Akoz ✝35:9 Egz 2:23fòs kantite opresyon yo, yo kriye fò.

Yo kriye pou sekou akoz bra a pwisan an.

10 Men ✝35:10 Job 21:14pèsòn pa di: ‘Kote Bondye, Kreyatè mwen an,

ki bay chan kè kontan yo pandan nwit lan,

11 ki ✝35:11 Sòm 94:12enstwi nou plis pase bèt latè yo,

pou fè nou vin pi saj pase zwazo nan syèl yo?’

12 La, yo ✝35:12 Pwov 1:28kriye fò, men nanpwen repons

akoz ògèy moun mechan yo.

13 Anverite, ✝35:13 Jr 11:11Bondye p ap koute yon kri ki vid,

ni Toupwisan an p ap okipe l.

14 Konbyen anmwens, lè ou di ou pa wè Li.

✝ 35:14 Job 31:35 Ka a pase devan L, e fòk se Li ou tann!

15 Men koulye a, akoz Li pa t fè vizit nan kòlè Li,

ni Li pa t apresye awogans,

16 pou sa, Job ouvri bouch li an ven;

li ogmante pawòl li yo ✝35:16 Job 34:35san konesans."