1CO - BUU 12

Ikpa riri ri Gbɨre kigbu

12 Bibi riwa ikpa he riri, ran he ri gbɨre kigbu, riwa igibrekpaa wa kigbu, wa he kpaa riri nye ngamba nye he ri Kristo. 13 Ritu kita wawumbu wa son ta ri ima rimi Yuu riri hi ri kpaa riri, ko nji Yahuda nye, ko wawa wa ran he nji Yahuda ran, ko graan nye ko imiri wa no ta ki so rimi Yuu riri iwawu mbu.

14 Ikpaa ran he gbɨre riri ran, ama a he ri wa gbɨre kigbu. 15 Wari tre ri ikpɨreri tre ri,<<Ritu ame me ran he woo ran, ritu ngamba me ran he rimi gbrekpa ran.>>Rinyi ran no no ran he rimi gbɨrekpa ran. 16 Nghamba me, inde iton tre ri,<<Ame me ran he si ran, ritu ngamba me ran he gbrekpa ran,>>Rimba ran no no hon he gbɨrekpa ran. 17 Wari tre ri ikpaa wawu he sii nye, me ri wo tre ringye? Ikpa wawu ran he ton, me ri ran wo hwi ri ngye? 18 Ama Izhi ri kɨma ko gbɨre ritan ti ri kpa bibi riwa a waa no he. 19 Wari tre ri igbɨrekpa he riri, imgbron kpaa ran he ri minyi? 20 Igibrekpaa wa he kigbu, ama ikpa he riri nye

21 Isi no ran la woo ri,<<Ikya ran kata kabru imbu-u ran!>>Ko ka, no tu no la wa za ri,<<Ikya ri ran ka ta kabru iwayi ran!>> 22 Aran he ngamba ran, igibreiwa wa kpa wa tsiri, nga wa ri ri ya wa ka wa ran he kyari ran, wawa nye wa bi han ko ritan rimi mba, 23 Igbɨrekpa riwa ki yonga wa ran tsra ri mgbromba ran ki ye ki no wari mba mkpen han ri ngamba no wa mkpen han. Ri ngamba, wa gbɨre mbi wawa wana bi ya ran wa ya wa ri bi han mgbron mba, 24 Igbɨrewawa wa bi ya wana ri ti kya sro ngan riwa ran, ama Izhi milankpa ti riwa a mɨlan igibreriwa a ran he kyari ran-a no bi han wa. 25 Ritu no wa gbɨre no wa ran ga ngamba ti nkan ri kpa ran tsede no gbɨre no wa milan ngamba ngɨzhi, mɨlan ngɨzhi riwa a he riri. 26 Ritu ngamba inde igbɨreri fe lilo, wawu mba wa fe llo, inde wa gbɨre ri wa ti kinklan sron, tse wa ka ti kinklan sron iwawu mba. 27 Biyi bi he ka ikpa Kristo nye, ko ngan rimi mbi he gbɨre kpa wan nye.