7 Ri ngamba kita wawa ki he ri wo riwa Yuu, ki he ka wa vaja riwa wa mme ri meme. Kita ki he ngamba ritu no wa tsro ri gbengbren riwa a he wa Izhi nye, a ran he ri ta ran. 8 Wa no ta yaa ri nkon kankankan, ri ngamba me ran ri wa no ta ki kambu ri ndu-a ran. Ri vi wari ki si kambu ri kpanyɨme, ama ki ran chu sron mbu zho ran; 9 Wari wa no ta yaa ri ko kutan, ri ngamba Izhi ran kata chuwo ran ri vi wari wa tsi ta yo ri meme, kau ri ngamba wa ran wuu ta ran. 10 Bla vi ki he ri nyu nkon kuu bibi riwa wa ti ri Yeso ritu no tsro son Yeso rimi ngamba nye riwa ari kuu. 11 Wawu vi mbu ri mgbumgblume, ki he nyu kuu ritu Yeso, ritu no nji no wa to bibi son Yeso ri kpa mbu nyi riwa ari kuu.