5 Waka tre Bitrus ri tra trenji, wa tra Izhi waka gra bre Izhi ritu wan.
Wa Kpa Bitrus Chuwo Ri Tɨra Tɨrenji.
6 Ri chu riwa nde mibrekpan Hiridu ri zhu ri Bitrus nowa wuu, Bitrus ka ran kruna ri tsutsu wa lokpa hari, wa lou ri che hari, wa gben wa he rinko ran gben tra trenji. 7 Imba tse ga nji ri ndu Izhi a kɨri kusan wan, ikpan ri ka kɨbuu ri san, ran shɨme-u, ran tre, <<Wurunde, gbagbla.>> Imba iche ka su rega riwo wan. 8 Inji rindu Izhi ka tre riwu ri, <<Su kpi wen, wuri son tan za wen.>>Ka ti ka tre riwu, <<Ka tsro ri kakpa wen wuri hu wen.>> 9 Imba ka zhu hu, a ran to ri kya riwa nji rindu Izhi ti nyi a he jaji wan ran, a yonga wawu ri ra nye. 10 Riwa wa vu wa gben ri gbuchi nga ri han, waka zhu ri nkon ri krefi riwa wa zu gra ri gbu, nkon-a ka bu ri tuwan. Waka zhu Riwa wa zren ban kpata ri gbu ri, mba nji rindu Izhi ka kawu don. 11 Riwa itu Bitrus a kɨma ye riwu, ka tre, <<Zizan nyen me to ri Bachi nyen tru vren ri nduwan ye, no ye kpawen chuwo riwo Hiridus, nga meme gbre nji Yahuda.>> 12 Riwa a to kya riwa Izhi a ti ri wu ngamba, ran hi ko Maremu, iyi Yohana riwa wa yo ri Markusi, bubu riwa wa kabru bran, wari ran bre Izhi.