Efésios 5

Mba Ngha Ronron

22 Biyi mba, ka ngambi no wa ron mbi bibi riwa bi ka ngambi no Bachi. 23 Ritu ronron wawu nye ri gbengbren ritu wa wan bibi riwa Bachi he ri mgemgbren ritu wa hu Izhi, ikpa wan chuwo. 24 Ritu ngamba, imba wa ka ngamba no wa ron mba ri nkponkpon bibi riwa wau Izhi wa ka ngamba no Bachi.

25 Biyi ronron, nyɨme wa mba mbi bibi riwa Bachi nyɨme wa hu Izhi ran ka ngawan de ritu mba. 26 A ti nganyi ritu no he Tsitsri, no he pianpian ritu ngla ri ima zu ri wɨlo tre Izhi, 27 riwa ari ka wa hu Izhi no ngawan rimi nkpen, janji ri bi, riwa a ran he ri ji ran ri ngbron kyawa riwa wa ran bi ran. 28 Ritu ngamba a bi no ronron no wa nyɨme wa mbaa mba, ikpa mba nye wa ti ri wa nji riwa a nyɨme ri wa wan, a nyɨme ngawan nye mba. 29 Ritu njo ran kawan ri ngawan zari ran, tsede ka no ri ran milan-u ti bibi riwa Bachi ri ti ri wa hu Izhi; 30 kita ki he wa gbɨre kpa Yeso. 31 <<Ritu ngamba, nji ri ka iti wan nga yiwan don ran ka ngawan ngaan ri wa wan, haha mba wa he kpa riri.>> 32 Inchon kya ri yayibi riwa wa bu rimi mbe Izhi nyi, ame me tre ritu Kristo nye ri wa hu Izhi. 33 Kau ri ngamba, ko ngaa ka nyɨme wa wan bibi riwa a nyɨme ngawan, nga no wa no no ron wan mkpen.