JHN - BUU 20

Yeso a zhu ri Meremu ri Magadaliya

11 Meremu ka kri ri nyu bubu gru ran ran yi. Riwa a he rimi yi, ka dran ran ya bubu gru 12 ran to miri ko Izhi hari wa son ri tsro kinklan ri bubu riwa ikɨmo Yeso a ran he, iri a kri kutu nga riwan ka kri ku dza. 13 Waka miyen-u ri,<<Iwaa, ngye ti ko wu yi?>>Ka la wa ri, <<Wa ban Bachi hi ngamba, nga me ran to bubu riwa wa ka-u dzi ran!>> 14 Imba ka kɨma ran to Yeso kukri ri bubu wan, ama a ran to ri a he Yeso nye ran. 15 Yeso ka miyen Meremu ri, <<Iwaa, ingye ti ko wu yi? Ingaa nye wu wa-u?>> Ka yonga mba a he nji riwa ari bwa ima ri wa konkron, imba ran tre ri wu ri, << Ka wu ban wu hi ngawen nji rinko, la wen bubu riwa wu ka-u yo no wen me hi ban wu.>> 16 Yeso ka tre wu ri, <<Meremu>> Maremu ka kɨma si hi ri wu ran tre ri rɨme Aramiyan ri, <<Rabani>>, Ituwan he ri, <<Inji ri tsro.>>

17 Yeso ka la-u ri, <<Ran ngɨzhi wen ran, ritu me ran hi ri A ti won ri shu mu rina. Ama bru hi ri wa miri vayi won wuri la wa ri, me bru kɨma ri hi ri wawu riwa a he A ti won ran he A ti mba ngawen, a he Izhi won ran he Izhi mba ngawen.>> 18 Ri mba Meremu riwa a zhu ri Magadaliya ka hi ri wa miri ndu Izhi ran la wa ri,<< Wawu ka to Bachi.>>Ngha kya riwa Bachi la wawu.