João 8

Iwaa riwa Wa Vu wa Mba Ronron

1 Imba ko nga ka kɨma hi ko, ama Yeso a hi ri mgblu konkron Atile. 2 Ri bubu mibreri han wan Yeso ka bru hi ri ko Izhi. Inji wawu waka kagon wan ki, nga ka son meme ran gbuchi ran tsro wa. 3 Wa tsro doka Musa nga Farisa waka ngɨzhi waa ri riwa wa vu wa ran kru ngamba, imba nji-a waka no kukri ri kusi mba wawu, 4 nga waka tre ri Yeso ri, <<Inji ri tsro, wa vu waa nyi wa kru ngamba imba nji ri.>> 5 Doka Musa la ri bibi waa mba wa taa ri tita wuu, <<Ko a wu wu tre ri se?>> 6 Wa tre nganyi ritu wa ri ka don vu Yeso ri meme ti, ama Yeso ka dran ran ran ngan ri meme ri vren wo wan. 7 Riwa wa sondu ran miyen Yeso tre, ka nzu tu ran tre ri wa ri,<<Ingaa rimi mbi riwa a ran ti meme ti to zari ran no wawu no gbuchi ta waa-a ri tita.>> 8 Ka bru dran ri meme nganga ran ran ngan ri meme. 9 Riwa wa wo nganyi, waka shan kado yiyiri gbuchi ri wa rinkon hi ri wa kremkpen. Ka don Yeso ri nkankshi wan nga waa-a ri tsutsu jɨbu nji-a wa kukri. 10 Yeso ka nzu tu nde ran miyen waa-a ri,<<Iwaa, wawa wa wa-u ri tre-a wa he minyi?>> 11 Iwaa-a ka tre ri, <<Inji rinkon, ba ko ri mba.>>Yeso ka tre ri waa-a ri, <s<Ame ngawen me ran wuu-u ran, hi ngawen ama ran bru ti meme ti ngaran.>>