Lucas 7

Yeso a Kpa Vɨrendu Rinkon wa Lokpa chuwo

1 Riwa Yeso a kre la tre ri nji wawa wa ki ran wou, Ka gra ri Kaparnau. 2 Ri Bubu wan a, rinkon wa lokpa ri Roma ri a he riwa ivren ko wan a ran he ri si ran ka he hure ri nkon kuu. Rinkon wa lokpa ri Roma ka ran su vren ko wan-a bran bran. 3 Riwa a wo tre Yeso, ka ti wa rinkon wa nji Yahuda wari ndu hi ritu no wa bre wu no ye ran no vren ndu wan si. 4 Wa rinkon nji Yahuda-a waka hi ri Yeso, waka bre wu bran bran, wa ri tre ri, <<Nji nyin a a he rewa wu zon wu, 5 ritu a nyime wa nji mbu hari ran mme tra Izhi rita.>>

6 Mba Yeso ka hu wa hi. Riwa a he wɨreri ko-a, rinkon wa lokpa ri Roma-a ka ti wa kpanwan ndu nowa lawu ri:>> Bachi, ran kpa sron wen time ran, ritu me ran he riwa wu ye rimi ko won ran. 7 Me ran tsra riwa me ye kusi wen ran ama wu tre ri nyu ka kre, ivren ndu won ri fe si. 8 Ame ma me ti ndu ri gbengbren nji ri, nga ri wa lokpa kusan won, me ya tre ri ri, <Hi,> Ari hi. Iri me ya tre wu <Ye,> Ari ye. Me la ti won ri, ti kya nganyi ari ti.>>

9 Ri wa Yeso a wo kamba, mamaki ka vu. ka kɨma ran la nji wawa wa hu, <<mi la yi yi, rimi Israila mi ran fe nji rimi ikpanyime ri senkpa ka rinyi zari ran.>> 10 Riwa wawa wa ti wa ndu wa kɨma ran hi kamba ri ko rinkon wa lokpa ri Roma a, wa ka to ka ivren ndu a ka fe si.