Mbʉ ŋwɔʼnə ghɔŋbə mbʉ Vaabinjyʉʉ
1 Ndʉʉmɛ, mɔ nɔ kə nyíɛ ŋwɔʼnə5:1 Nɔ kə bɛ ntɛ ŋwɔʼnəbɛʼ ndə bə kə́ kíatəkíatə ndə bə kíatə mata le. kwiimɔʼnə wo ndə ɔ kə yétə ndəŋ mbʉ kəyetə, bə nyɔ̀ʼ fɔbə chɔ ndəŋ viabə inchəŋ kíatə, lyʉ́ʼ nə mbəʼ-mʉə-bə5:1 Bə nɔ nə kə́ nyɔ̀ʼ bəŋwɔʼnə vɛʼ-ghɔ̄ nɔ, bə kíatə tyíi mʉə ndəŋ tʉbə-i bʉʼka i məyɔ̀ʼnə, təmə wo mə bɔ̀ʼ fɛ, yaʼkɛŋ haʼ wo ndə yie-e bɛ ndəŋ mbʉ ŋwɔʼnə byuunɔ wo ndə bə kɔ́ ghʉəʼkə tʉ ɔŋ ndə məbɔ̀ʼ. təkwiitia. 2 Mɔ nyíɛ wontəŋkwɛʼtəŋNyii ndə ɔ tíi nə gyʉʉ dədə ghɔ̀ŋ mbɔ, "Bɛ nda ndə ɔ kʉ̀ʼnə ndə məbɔ̀ʼtə mbəʼ-bəmʉə-bə-ɔ̄ŋ bɔŋleʼ yɔ̀ʼtə ŋwɔʼnə-ɔ̄ŋ?" 3 Bɔŋ təmə wo bɛ ghɔ yuo byuunɔ kəchisê byuunɔ mu sê ndə ɔ kʉ̀ʼnə ndə məyɔ̀ʼ mbʉ ŋwɔʼnə, lɛ́nə mu-i fɛ.
4 Mɔ chʉ́ʉhə kə́ gwía nə ghʉəʼkə bʉʼka wo kə bɛ ghɔ ndə ɔ kʉ̀ʼnə ndə məyɔ̀ʼ mbʉ ŋwɔʼnə byuunɔ lɛ́nə mu-i fɛ. 5 Mbyu ntəŋbəshʉ ghəŋ imɔʼ ndə ɔ kie kuŋhə gìe tʉ mɔ mbɔ, "Kə a mə leʼ gwía fɛ. Nyíɛ, bʉʼ ndə ɔ lɔ̀ hə kəlɔŋ Juda, lyʉʼʉ ŋgwie Dɛbi, nɔʼ yú mbʉ chɔ̂, mbɔ ɔ chʉʼ kie ghʉəʼkə ndə məbɔ̀ʼtə mbʉ bəmbəʼ mʉə təkwiitia, yɔ̀ʼ mbʉ ŋwɔʼnə."
6 Ntəŋntəŋ mbʉ kəyetə ghɔŋbə fɔ-ŋɛnə-bə-īŋ kwi le, leʼnə ntəŋntəŋ mbʉ bəntəŋbəshʉ ghəŋ ndə bɔ̂ŋ kie kuŋhə le, mɔ nyíɛ Vaabinjyʉʉ kə́ tə́nə chɔ, fi nə bə nɔʼ gwía ɔ. Ɔ kie ndʉʉhə təkwiitia, leʼnə shʉtə təkwiitia ndə bɛ lyʉʉhə-Nyii-bə təkwiitia ndə bə nɔʼ tə́ŋ wɔ̀ʼhə ndəŋ yəŋbə inchəŋ kəchisê.