5 Mbyu ntəŋbəshʉ ghəŋ imɔʼ ndə ɔ kie kuŋhə gìe tʉ mɔ mbɔ, "Kə a mə leʼ gwía fɛ. Nyíɛ, bʉʼ ndə ɔ lɔ̀ hə kəlɔŋ Juda, lyʉʼʉ ŋgwie Dɛbi, nɔʼ yú mbʉ chɔ̂, mbɔ ɔ chʉʼ kie ghʉəʼkə ndə məbɔ̀ʼtə mbʉ bəmbəʼ mʉə təkwiitia, yɔ̀ʼ mbʉ ŋwɔʼnə."
6 Ntəŋntəŋ mbʉ kəyetə ghɔŋbə fɔ-ŋɛnə-bə-īŋ kwi le, leʼnə ntəŋntəŋ mbʉ bəntəŋbəshʉ ghəŋ ndə bɔ̂ŋ kie kuŋhə le, mɔ nyíɛ Vaabinjyʉʉ kə́ tə́nə chɔ, fi nə bə nɔʼ gwía ɔ. Ɔ kie ndʉʉhə təkwiitia, leʼnə shʉtə təkwiitia ndə bɛ lyʉʉhə-Nyii-bə təkwiitia ndə bə nɔʼ tə́ŋ wɔ̀ʼhə ndəŋ yəŋbə inchəŋ kəchisê. 9 Bɔ̂ŋ yùɔ lyuu fefe kə́ ghɔ̀ŋ mbɔ,
"A nɔ kʉ̀ʼnə ndə məlʉ̀ mbʉ ŋwɔʼnə
bɔ̀ʼtə mbəʼ-bəmʉə-bə-i,
Bʉʼka bə nɔ kə gwìatə a, a chʉ̀ʼ tʉ-bʉə-kə tʉ Nyii nə fɔbʉəkə-a,
bʉə ndə bɔ̂ŋ lɔ̀ hə ndə lɔŋbə inchəŋ, lɔ̀ hə ndə ŋgie-bətə̂ŋ-bə inchəŋ, lɔ̀ hə ndə bie-bʉə-hə inchəŋ, leʼnə lɔʼ-bətə̂ŋ-tə inchəŋ.