Nabos Abik AYohana 20

Ishɔt igang e

11 Wat in di kuta igwɔm kukan e, ayɔng fɛ́ a sonong ni ko. Kazatse nɛ kaza wat ka te bit ashon wu, ba bit karɔ inyeseng ni ba. 12 In di bafaben, baratek nɛ babane, ni nyeseng ashon kuta igwɔm e. Ba tarak afumung, ba tɛ ba tarak kufumung kukak, kuyɔng fi ku yet kufumung kutset. Ba ras bafaben ishɔt, kpaf ni ikyɛng fɛ́ ba raas, fi i se ni ijɛk na afumung e. 13 Izek turung nkom banet fi nse ayɛt na, iku nɛ ari-irong nesek bafaben fɛ́ ba se ni na, kaakyɛ anet ba ku ra ishɔt kpaf ni ikyɛng fɛ́ a mi ra. 14 Ama anɔng, ba sok iku ni ari-irong sak ni kubong árong. Kubong árong e yet iku ifɛ́ afaa. 15 Ngma ayɔng fɛ́ da ba sɛ iyerek wu ni jɛk ayɛt kufumung kutset e awo, ba ku barak ni kubong irong e.