36 Ama anɔng, aYeso wosong kudyɛng banet e, a tsɛ a nɔ ari. Bafi imɛɛs wu, tsɛ ba ku sɛ ayɛt e, ba fɛ̀ ni wu, <<Ki tak yit ikyɛng fi igorok icɛɛt agam ni ikɔ me tonong.>>

37 AYeso fɛ̀ ni iba, <<Anet fɛ́ a tuus ija itek e yet Arim Anet. 38 Ikɔ me yet kazatse, ija itek e yet banet fɛ́ Adakunom ya igwɔm natoon ba. Agam e yet banet fɛ́ ba ras nggɔn anyas, 39 wɛt anet ifup fɛ́ a ka ba tuus e yet aShetan. Izen itusung e, yet izen igang azatse, wɛt banet itusung e yet batomaza.

40 <<Kyɔn tɛ fɛ́ ba di ngaa agam e, ba shosh iwu ni rong, i bi se kpaf anɔng ni izen igang azatse. 41 Arim Anet bi tom batomaza wu, na ba tusung ngma bayɔng fɛ́ ba saas banet nɛ ba kpas ni inɛn, nɛ ngma bayɔng fɛ́ ba ras ntomong anyas ayɛt igwɔm wu. 42 Ba bi ka ba bara ayɛt árong fɛ́ a ya makiyi, azɔng wu ba bi tos, na ba ros anyi bá. 43 Wat bafi kusot atsak, bi ron ti kunom ayɛt igwɔm ada bá. Ayɔng fɛ́ a bɛ̀ kuto, won na a fok ifɛ̀.