1 Mndewa Ahasuelo nakahola kodi kuli undewa wa heye weng'ha mbaka hafungo ha bahali. 2 Madito ga heye geng'ha ga mong'ho na ludali, hamwe na mbuli zeng'ha za ukulu wa Molidekayi uwele mndewa nayali yampele, nagandichigwa kuli chitabu cha kukumbuchila kwa wandewa wa Mediya na Pelisiya. 3 Molidekayi Myahudi, nayali wa keli kwa ludali kulawa mndewa Ahasuelo, naye nayali mkulu ng'hatu hali Wayahudi. Nayali yoganigwa na kutogoligwa ng'hatu na Wayahudi kwa vila nakawaditila ganojile wanhu wa heye na nakalonga kwa chiwalo cha kulutilila goya kwa Wayahudi weng'ha.