13 Batambika ku Yesu mwa ndambu yi bafalisi na bantu ba kimvuka ki Elode, mwanki bamulebikila mutambu mu mpova zi yandi bende. 14 Bayiza muteela ti: «Mulongisi, tuzebi ti kikedika kwe tanga na wukwe yenanga muntu bunkuta ko, mu dyambu ti ngeye wuswasikisanga bantu ko, nakwe longanga nzila yi Nzambi mu kikedika. Tuteeleti, nganunu tuu na luve mu futa mpaku yi Kayisali hoti kaani e? Tufweti futa hoti kaani e? 17 Buna Yesu wubateela ti: «Vutuleeno bi Kayisali ku Kayisali, bi Nzambi ku Nzambi.» Yawu bayituku mu mvutu yi kabahaana.
Kyuhu mu mfulukulu yi bafwa
(Mat 22.23-33; Luk 20.27-40)
18 Basaduki bayiza ha ntadisi yi Yesu, yawu bakwe kwikilanga mu mfulukulu yi bafwa ko, bamufuula ti:
28 Wumosi mu milongisi mi Misiku wubayuwa bu bedi sanga mpaka, mpe wuyena ti Yesu mvutu zimbote kavutula ku basaduki. Wufinama, mpe wumufuula ti: «Nkye mwina wuu wuntete mu mina mimvimba e?» 29 Yesu wumuvutudila ti: «Mwina wuntete, ni ewu: "Isaeli, yuwa! Mfumu Nzambi eto, ni yandi kaka wuu Mfumu. 30 Zola Mfumu Nzambi aku mu mutima aku wumvimba, mu mwela aku wumvimba, mu madyela maku mamvimba, mpe mu ngolo zaku zimvimba." 31 Wunzole ni ewu: "zola mfinangani aku bonso ngebende." Kuu mina mihiika mivudidi mfunu ko na myamimyole bemimi.»