Mwangusunu yi nzo-Nzambi
1 Yesu bu kaduuka mu nzo-Nzambi, wumosi mu milongoki myandi wumuteela ti: «Mulongisi, taleeti kwaku! Nkye kitoko ki matadi bemama, mpe nkye miyimba nzo!» 2 Kansi Yesu wumuteela ti: «Wuna yena miyimba nzo bemimi e? Kwaabwesa sala kaa tadi dimosi ha yulu tadi nandi ko, bimvimba byaamana mwangana.»
Mpasi na mfyetokoso zina kwiza ku mutwala
(Mat 24.3-14; Luk 21.7-19)
3 Yesu wuba wuzakala ha yulu mulandu wu Olive mpe wuba wutadisa ku nzo-Nzambi. Petelo, Yoane, Zaki na Andele bamufuula ha yawu hiika ti: 4 «Tuteeleti nkye kilumbu misamu bemimi myaatula, mpe mu nkye kidimbu baazabila ti mimvimba bemimi myaahilama e?»