9 16.9 Kutonina mu kibuku ki 9 natee kibuku ki 20, misamu bemimi mii mu mikanda mintete ko Yesu wufuluka kilumbu ki lumingu mu mene, wuyenikina ntete Maliya mwisi-Mangadala, yondowo wu kakuma mpeve nsambwadi zimbi. 10 Wuyenda zabikisa wo ku yobobo baba nandi na baba mu kifwidi, mpe bedi dilanga. 11 Kansi bu bayuwa ti wuu wumoyo na wumuyena, yawu bamukwikila ko.
12 Ku manima, Yesu wuyenikina milongoki myole myedi kwenda ku bwala mu kifwani kihiika. 13 Bu bavutuka, bayadila myo ku bahiika, kansi babakwikila ko.
14 Ku manima, Yesu wuyenika ku milongoki kumi na wumosi bu baba ha meza. Wubasemba mu dyambu ti baba na kiminu ko na babisa mu kwikila yobobo bamuyena wufuluka mu bafwa. 15 Mboki wubateela ti: «Yendeeno mu nza yimvimba mu samuna Musamu Wumbote ku bantu bamvimba. 16 Yondowo waakwikila na waabotoko waavuuka, kansi yondowo waalembolo kwikikila, waatambula nsembolo. 17 Taleeno bidimbu byaalanda yobobo baakwikila: mu nkumbu ani, baakuma mpeve zimbi, baazonza ndinga zinzenza, 18 baasimba zinyoka mu moko mawu, tala ti banwini bima bimbi bikwe hondanga, kani musamu wumpasi waababwidila ko, baatentika moko ku zimbevo, mpe yawu baanyaka.»
Yesu wutomboka ku yulu
(Luk 24.50-53; Mav 1.9-11)
19 Bu kamanisa mu zonza bobo, Mfumu Yesu bamutombola ku yulu, mpe wuyenda zakala ha lweka lu lubakala lu Nzambi. 20 Milongoki miyenda samuna Musamu Wumbote ku ndambu ka ndambu. Mfumu wedi salanga kintwadi nawu mpe wedi lonkanga mu bidimbu ti Mambu mandi makedika madi.]