13 Mboki Yesu wutomboka ku yulu mulandu na wutumisa yobobo ba katya mu tumisa, mpe bayiza ba ha ntendo andi. 14 Wusoola kumi na bole bakahaana nkumbu yi zintumwa. Wusadila bobo mwanki baba nandi kintwadi na mu batambika mu samuna Musamu Wumbote, 15 na lulendo lwe kuma mpeve zimbi. 16 Nkumbu zi zintumwa kumi na zole ni ezi: Simoni, wukahaana nkumbu yi Petelo, 17 Zaki na mpangi andi Yoane, baala ba Zebedayi, Yesu bakahaana nkumbu yi Bowanenge, mpila mosi ti «baala ba mumbamina», 18 Andele, Filipi, Batelemi, Matayi, Toma, Zaki mwana wu Alefe, Tade, Simoni mu-Zeloti, 19 mpe na Yuda Isikalyoti, yondowo wuyekola Yesu.
Yesu na Belizebuli
(Mat 12.22-32; Luk 11.14-23; 12.10)