Yesu ba mukwikila ku Nazaleti ko
1 Yesu wukatuka koko mpe wuyenda ku mbanza yi kakudila. Milongoki myandi mi mulanda. 2 Mu kilumbu ki saba, wedi longa mu kati di nzo yi lusambulu yi Bayudayo. Bantu babingi bedi mu yuwa, bayituku na bata ti: «Kwedi kabakidi misamu bemimi e? Nkye mpila ndwenga bezozo bamuheeni e? Bwedi bimangu bebibi bilendi hidimina mu moko mandi e? 3 Ka ni kisadi ki mabaya ko, ka ni mwana Maliya ko, mpangi yi Zaki, Yose, Simoni na Yude e? Bibusi byandi, bikwe banga neto ko e?» Myamyomyo myedi bakakidila mu kwikila mu yandi. 4 Yesu wubateela ti: «Bakwe zitisanga mu Mumbikudi mu nsi andi ko, mu kanda dyandi ko na mu nzo andi ko.» 5 Kasa nakani kimangu hoho ko, tala ti ka ni mwa ndambu yi zimbevo zikanyakisa bu kabatentika moko. 6 Wutoma yituku mu dyambu ti baba na lukwikulu ko.
Kisalu tambikidi milongoki kumi na myole
(Mat 10.5-15; Luk 9.1-6)
Yesu wedi kwe zyeti mu mabwala ma kinzungidila mu kwe longi.