9 Yesu wubateela dyaka ti: «Lukwe loosanga ntumunu zi Nzambi mwanki luvumina kinkulu kyeno. 10 Mu dyambu ti Mose wuta ti: "Vumina tata aku na ngudi aku", mpe "Yondowo singidi tata andi hoti ngudi andi bafweti mu honda." 11 Kadi yeno lukwe tanga ti: "Tala ti muntu teedi ku tata andi hoti ku ngudi andi ti: Kima ki naketi kuhaana mu kusadisa kidi Kolobani", mpila mosi "munkayulu we haana ku Nzambi." 12 Mu bobobo, luheeni luve ku muntu bewowo mu lembolo sadisa tata andi hoti ngudi andi! 13 Ni bwabobo lukwe bikilanga Mambu ma Nzambi mu sadila kinkulu kyeno ki lulonga. Mpe lukwe hidikanga misamu mihiika mi bobobo.»
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)