1 ኤሌል ሀናናዉ በስያዋ ባረ ኦሳንቻቱዋ በሳና ማላ፥ ጾሳይ የሱስ ክርስቶሳዉ እሜዳ ሳጻይ ሀዋ፤ የሱስ ባረ ኪታንቻ ኪቲደ፥ ሀ ሳፃ ባረ ኦሳንቻ ዮሃንሳ ኤርሴዳ። 2 ዮሃንስ በኢደ ቱማተን ኦዴዳ ኡባባይ፥ ጾሳ ቃላነ የሱስ ክርስቶሳ ማርካተ። 3 ሀ ማጻፋ ናባብያ ኡራይ*1:3 ናባብያ ኡራይ፦ ሀዋ ጉሳይ ኡባ አሳይ እትፐ ጾሳ ጎሸትያ ዎደን ሄዋንቶ ቃላ ናባብያ ኡራይ አንጀቴዳዋ ጉሳ። አንጀቴዳዋ፤ ቃይ ሀ ትምቢትያ ማጻፋ ስስያዋንቱነ ሀ ማጻፋን ጻፈቴዳዋ ናግያዋንቱ አንጀቴዳዋንታ፤ አያዉ ጎፐ፥ ሀ የዉ ፖለታናዉ ዎዲ ማታቴዳ።

4 ታን ዮሃንስ፥ ኢስያ ጋድያን*1:4 ኢስያ ጋድያ፦ 1:4—3:22 ደእያዌ ዳብዳቢያ ግዲደ ጻፈቴዳ። ኢስያ ጋዲ አዋይፊ ዶልያ ባጋና ደእያ ሮመ ካዉተ ግዲደ ሀእ ሀ ዎድያን ቱርከ ጋድያ ጊደ ጼሰትያዋ። ደእያ ላፑ ዎሳ ጎለቶ ያጋይ፤

ካሰ ደእያ ጾሳፐ፥

ሀእካ ደእያ ጾሳፐ፥

ስንፐካ ያና ጾሳፐ፥

ቃይ አ ካዉተ ኦይድያ ስንን ደእያ ላፑ አያናቱዋፐ፥

አ ኬካተይነ ሳሮተይ፥

ህንተንቶ ግዶ።✝1:4 ከሳ 3:14፤ ሳፃ 4:5

5 ቃይ አማነቴዳ ማርካ፥

ሀይቁዋፐ ኮይሮ ደንዴዳ ናኣፐ፥

ሳኣ ካታቱዋ ሞድያ የሱስ ክርስቶሳፐ፥

አ ኬካተይነ ሳሮተይ፥

ህንተንቶ ግዶ።

እ ኑና ሲቄነ፥

ቃይ ኑ ናጋራ አይለተፐካ፥

ባረ ሱን ኑና ከሴዳ።✝1:5 ኢሳ. 55:4፤ ማዝ. 89:27

6 ኑና ባረ ጾሳዉነ አዎ ኦና ማላ፥

እ ኑና ካታቱዋነ፥

ቄሳቱዋ ኦዳ፤

አዉ መናፐ መና ጋካናዉ፥ ቦንቹነ

ሞድያ ዎልቃይ ግዶ። አመንእ።✝1:6 ከሳ 19:6፤ ሳፃ 5:10

7 በእተ፥

የሱስ ሻርያን ዬ።

አሳይ ኡባይ፥ ሀራይ አቶ፥

አ ጫዴዳዋንቱካ፥ አ በአና፤

ሳኣን ደእያ አሳይ ኡባይ፥

አ ጋሱዋን ዬካናዋንታ።

ሀዌ ቱሙፐ ሀናናዋ። አመንእ።✝1:7 ዳኔላ 7:13፤ ማቶሳ 24:30፤ ማር. 13:26፤ ሉቃሳ 21:27፤ 1 ተስ. 4:17፤ ዛካ. 12:10፤ ዮሃ. 19:34፣ 37

8 ካሰ ደእያዌ፥ ሀእካ ደእያዌ፥ ስንፐካ ያና ጎዳይ፥ ኡባፐ ዎልቃማ ጾሳይ፥ "ኡባባዉ አልፋይነ ኦሜጋይ፥ ኮይሩነ ዉርሰይ ታና"*1:8 አልፋይነ ኦሜጋይ፦ ሀዋ ጉሳይ ኦራ ጫቁ ኮይሮ ግሪከ ቃላን ጻፈቴዳ ድራዉ፥ ኮይሩነ ዉርሰይ ጋናዉ ኮዪደ፥ አልፋ ግያ ግሪከ ኮይሮ ፕዶልያ አኪደ ዉርሰዉ ቃይ ኦሜጋ ግያ ዉርሰን ደእያ ፕዶልያ አኬድኖ። ሀዋንታ ጉሳይ ሌምሱዋን ዳዉሮዋ ፕዶላቱዋ አክንቶ [አ - ዝ] ያግያዋ ማላ ጉሳ። ያጌ።✝1:8 ሳፃ 22:13፤ ከሳ 3:14

9 ታን ዮሃንስ፥ ህንተንቱ እሻይ፥ ህንተናና የሱስ ክርስቶሳ ዋይያነ አ ካዉተ ቃይ አ ዳንዳያ እትፐ ሻከትያዌ፥ ጾሳ ቃላ ኦዴዳ ድራዉነ የሱሳዋ ማርካቴዳ ድራዉ፥ ፒጽሞ ግያ ሃይ ዶዶ ቢታን ደኣድ። 10 ጎዳ ጋላሳን ታን አያናን ደአይ፤ ታን ታፐ ጉየና ማላካታ ዋሱዋ ማላ ዎልቃማ ኮሻ ስሳድ። 11 ሄ ኮሻይ ታና፥ "ኔን በእያዋ ማጻፋን ጻፋ፤ ኢስያን ደእያ ላፑ ዎሳ ጎለቶ፥ ኤፈሶና፥ ሳምርኔሳ፥ ጰርጋሞና፥ ትያጽሮና፥ ሳርዴሳ፥ ፕላደልፍያ፥ ሎዶቅያ ዎሳ ጎለቶ ዬዳ" ያጌዳ።

12 ታን ታዉ ኦድያ ኮሻ በአናዉ ጉየ ስማድ፤ ጾምፕያ ዎያ ላፑ ዎርቃ ባላቱዋ በኣድ። 13 ሄ ባላቱዋ ግዶን አሳ ናኣ ማላትያዋ በኣድ፤ አዱሳ አፍላ ባረ ገድያ ጋ ማዪደ፥ ዎርቃ ዳንጩዋ ባረ ትራን ዩሽ አዳ።✝1:13 ዳኔላ 7:13፤ 10:5 14 አ ሁጲነ አ ሁጲያ ብናናይ ቦ ዶርሳ እስክያነ ሄዋፐካ አደ ሻቻ ማላቴ፤ አ አይፊካ ታማ ላጩዋ ማላቴ።✝1:14-15 ዳኔላ 7:9፤ 10:6 15 አ ገዲካ ጮጭያ ታማን ቴሪደ ጶልያ ናሃስያ ግያ ብራታ ማላቴ፤ አ ኮሻይካ ዎልቃማ ሻፋ ጉን ማላ።✝1:15 ህዝ. 1:24፤ 43:2 16 እ ባረ ኡሸቻ ኩሽያን ላፑ ጾልንታቱዋ ኦይቄዳ። አ ዶናፐ ላኡ ባጋና ቃረቴዳ ማሻይ ከሴዳ። አ ዴሙካ ሎይ ፖእያ አዋይፍያ ማላቴ።

17 ታን አ በኤዳ ዎደ ሀይቄዳዋዳን ሀናደ፥ አ ገድያ ማታን ኩንዳድ። ባረ ኡሸቻ ኩሽያ ታ ቦላ ዎደ፥ ታና ሀዋዳን ያጌዳ፤ "ያዮፓ፤ ኮይሩካ ዉርሰይካ ታና።✝1:17 ኢሳ. 44:6፤ 48:12፤ ሳፃ 2:8፤ 22:13 18 ታን ደኡዋን ደእያዋ። ታን ሀይቃድ፤ ሽን በአ፥ መ መናዉካ ደኡዋን ደአይ። ሀይቁዋ ቁልፒነ ስኦልያ ቁልፒ ታ ኩሽያን ደኤ። 19 ስም ኔን በኤዳባነ ሀእ ደእያዋ፥ ቃይ ስንፐ ሀናናባ ጻፋ። 20 ኔን ታ ኡሸቻ ኩሽያን በኤዳ ላፑ ጾልንታቱዋ ብለይነ ቃይ ጾምፓቱዋ ዎያ ላፑ ዎርቃ ባላቱዋ ብለይ ሀዋ፤ ላፑ ጾልንታቱ ላፑ ዎሳ ጎለቱዋ ኪታንቻቱዋ፤*1:20 ኪታንቻቱዋ፦ ሀዋንታ ጉሳይ አማንያዋንታ ካለያ ጭማቱዋ ዎይ አማንያዋንቶ ኪተቴዳዋንታ። ዎሳ ጎልያ ላፑ ዎርቃ ባላቱ ላፑ ዎሳ ጎልያ።"