Paulus sien ieeschta Breef aun de Korinta 15

22 Wiels jrod soo aus see en Adam aula stoawen, soo woaren see uk aula en Christus läwendich jemoakt woaren. 23 Een jiedra oba en siene ieejne Ordnunk: Christus, de ieeschte Frucht, doano dee, woone Christus aunjehieren, bie sien Komen. 24 Dan daut Enj, wan Hee woat daut Rikj aun dän Gott un Voda äwajäft haben, wan Hee woat aule Harschoft un aul de Autorität un Macht tonicht jemoakt haben. 25 Wiels Hee mott harschen, bat Hee aule Fiend unja siene Feet jelajcht haft.