Paulus sien tweeda Breef aun de Korinta 2:14-17

14 Oba to Gott een Dank, dee ons emma triumfierent leit en Christus un daut Jeroch von siene Erkjantnis derch ons opp jieda Städ openboat. 15 Wiels wie sent fa Gott Christus sien Scheenjeroch en dee, dee jerat woaren un en dee, dee veloaren gonen; 16 to dee eene een Jeroch vom Doot toom Doot, to dee aundre een Jeroch vom Läwen toom Läwen. Un wäa es fa dit fäich? 17 Wiels wie sent nich soo aus väle, dee Gott sien Wuat vefaulschen, oba soo aus ut Reinheit, soo aus ut Gott, räd wie ver Gott en Christus.