Hebreus 12

De Roop, nich opp to jäwen

1 Wiels wie nu eene soone groote Wolkj von Zeijen rom ons haben, lot ons aule Laust un de Sind auflajen, waut ons soo leicht runtom aunfaulen un lot ons dän väajestalden Reess ranen met Jedult, 2 hankjikjen no Jesus, dän Aunfenja un Vollbrinja vom Gloowen; woona daut Kjriez uthilt, de Schaund ve-acht, wäajens de ver Am jestalde Freid un haft sikj doljesat aun de rajchte Haunt von Gott sien Troon.

Nämt de Belierunk von Gott aun

3 Betracht dän, waut soon Wadaspräakjen von Sinda jäajen sikj selfst duld, daut jie nich muchten meed woaren un en june Seelen vezoagen.