Oawen met Christus
12 Soo dan, Breeda, sent wie Schildna, oba nich aun daut Fleesch, daut wie no daut Fleesch läwen; 13 wiels wan jie nom Fleesch läwen, dan woa jie stoawen; wan jie oba derch dän Jeist de Woakjen vom Kjarpa dootmoaken, dan woa jie läwen. 14 Wiels aula, dee von Gott sien Jeist jeleit woaren, dee sent Gott siene Säns. 15 Wiels jie haben nich eenen Sklowenjeist jekjräajen, daut jie junt wada ferchten, oba jie haben eenen Jeist von de Kjintschoft jekjräajen, endäm wie roopen: Abba, Voda! 16 De Jeist selfst jeft onsem Jeist Zeichnis, daut wie Gott siene Kjinja sent. 17 Wan oba Kjinja, dan uk Oawen, Gott siene Oawen un Christus siene Metoawen, wan wie sest met Am toop lieden, daut wie uk met-veharlicht woaren.