1 Waut fa een Väadeel haft dan de Jud? Ooda waut halpt de Beschniedunk? 2 Sea väl, en jieda Aunsecht! Ieeschtens es äant Gott siene Räden* aunvetrut worden. 5Mo 4:7-8; Ps 147:19-20; Ree 9:4 3 Waut dan wan atelje nich jleewden? Sull äa Ongloowen Gott siene Truheit opphäwen? Ree 9:6; 11:29; 2Tim 2:13 4 Niemols nich! Lot Gott woarhauftich sennen un aule Menschen Läajna; soo aus jeschräwen steit: "Om daut du jerajchtfoadicht befungen woascht en diene Wieed un dan jewennen kaust, wan du jerecht woascht." Ps 51:4; 116:11 5 Wan oba onse Ojjerajchtichkjeit Gott siene Jerajchtichkjeit rutstalt, waut sell wie sajen? Es Gott onjerajcht, dee doaräwa stroft? (Ekj räd soo aus een Mensch.) 6 Niemols nich! Woo kunn Gott sest de Welt rechten? 7 Wan oba Gott siene Woarheit derch miene Lieej vollkomna woat to siene Harlichkjeit, wuarom woa ekj dan noch aus een Sinda jerecht? 8 Un wuarom nich, (soo aus wie jelastat woaren un soo aus atelje behaupten, daut wie sajen:) Lot ons Beeset doonen, daut doa Goodet rutkjemt? Dee äa Uadeel es jerajcht! Ree 6:1

9 Waut dan? Sent wie bäta? Opp kjeen Wajch; wiels wie haben aul ea jewäsen, daut beid, Juden un Griechen, aula unja de Sind sent; Ree 1:18-2:24 10 soo aus jeschräwen steit: "Doa es kjeena jerajcht, uk nich eena: Hiob 4:17 11 Doa es kjeena, dee vestendich es; doa es kjeena, dee no Gott frajcht. 12 See sent aula utjejleist un aulatoop ondaugboa jeworden; doa es kjeena, dee doa Goodet deit, uk nich eena. Ps 14:1-3; Ps 53:1-6 13 Äa Hauls es een opnet Grauf; met äare Tungen schmäaren see aun; Schlangen-Jeft es unja äare Leppen; Ps 140:3; 5:9 14 äa Mul es voll Fluchen un Bettanis;" Ps 10:7 15 "äare Feet sent bosich, Bloot to vejeeten; 16 Venichtunk un Jauma sent en äare Wäaj, 17 un dän Frädens-Wajch haben see nich jekjant. Jes 59:7-8; Luk 1:79 18 Doa es kjeene Forcht fa Gott ver äare Uagen." Ps 36:1 19 Wie weeten oba, daut, wautemma daut Jesaz sajcht, daut sajcht daut to dee, unja daut Jesaz, soo daut jieda Mul mucht jestopt woaren un aule Welt mucht ver Gott schuldich woaren; Ree 2:12; Gal 3:22 20 wiels ut de Woakjen vom Jesaz kaun kjeen Fleesch ver Am jerajchtfoadicht woaren; wiels derch daut Jesaz kjemt Erkjantnis von Sind. Ps 143:2; Ree 7:7; Gal 2:16

21 Nu oba es onen daut Jesaz Gott siene Jerajchtichkjeit jeopenboat worden, bezeicht vom Jesaz un de Profeeten; Apj 10:43; Ree 1:17; 4:1-25 22 jrod de Jerajchtichkjeit von Gott, dee derch dän Gloowen von Jesus Christus kjemt, no aule un opp aul dee, waut jleewen; wiels doa es kjeen Unjascheet; Flp 3:9 23 wiels aula haben jesindicht un komen kort aun Gott siene Harlichkjeit 1Mo 8:21 24 un woaren onen Vedeenst jerajchtfoadicht ut siene Jnod, derch de Erleesunk, dee en Christus Jesus es, Ree 5:1; 2Kor 5:19; Efs 2:8 25 dän Gott väajestalt haft to eene Veseenunk derch dän Gloowen aun sien Bloot, to een Bewiess fa siene Jerajchtichkjeit, wäajens daut Äwaseenen von de Sinden, waut verhäa begonen sent, unja Gott siene Jedult, 26 om en dise Tiet siene Jerajchtichkjeit to bewiesen, soo daut Hee selfst jerajcht es un dän rajchtfoadicht, dee von däm Gloowen aun Jesus es.

27 Wua blift nu daut Puchen? Daut es utjeschloten. Derch woon Jesaz? Daut von de Woakjen? Nä, oba derch daut Jesaz vom Gloowen. 1Kor 1:29,31 28 Aulsoo hool wie daut doafäa, daut de Mensch derch dän Gloowen jerajchtfoadicht woat, onen de Woakjen vom Jesaz. Gal 2:16 29 Es Gott bloos een Gott fa de Juden? Es Hee nich uk fa de Heiden? Jo, uk fa de Heiden. Ree 10:12 30 Wiels doa es een Gott, woona woat rajchtfoadjen dee von de Beschniedunk ut Gloowen un dee von de Onbeschniedunk derch Gloowen. Ree 4:11-12 31 Häw* wie daut Jesaz dan nu opp derch dän Gloowen? Niemols nich! Väl mea recht wie daut Jesaz opp. Mat 5:17