De Breef von Jakobus 1

12 Seelich es de Maun, dee de Vesieekjunk jeduldich drajcht; wiels nodäm hee jeprooft es, woat hee de Läwens-Kroon kjrieen, dee de Har deejanje vesproaken haft, dee Am leewen. 13 Kjeena, dee doa vesocht woat, saul sajen: Ekj woa von Gott vesocht; wiels Gott kaun nich vesocht woaren to Beeset, un Hee selfst vesieekjt kjeenen. 14 Oba een jiedra woat vesocht, wan hee von siene ieejne Lost jereizt un jelokt woat. 15 Nodäm de Lost aunjesat haft, jebuat see de Sind; de Sind oba, wan dee vollbrocht es, brinjt dän Doot.