Colossenses 1

12 lu gbɛlɛ Ada ɛnyi iyɔkpɔɔ laa ɔnyɛ, moo uwu gba e shi ki domo tee la ki yi ogbo mu ogu uwu bɔkɔ o shi la wambwalu kwuyengwu ɛsu irimo iyi ɛbɛ awu. 13 Moo a wa nzu ma mu ɛkpasu iyi ipwu akwɛyi e bo nzu mbaa ɛsu irimo iyi Umɛ wu, uwu bɔkɔ e pwu idɛnyi wu, 14 uwu bɔkɔ munyi wu gba oo sa nzu ma le, gba o gba la ingbomo nzu o kpa nzu le.

Okrasi Mbala Ɛduma Wu

15 Okrasi gba akwu uwɔ uwu Ukpo uwu bɔkɔ eyi i mawu mo awu. Uwu gba akwu Umɛ ɔnzɔnu uwu kwonze uwu a ka apula iyi o wo lɛɛbi ma le. 16 Moo i zɛ mawu gba Ukpo e wo kiya ingyinangyina moshi mbala mu kwudu kwɔlɛ le, apula iyi bɔkɔ o ma yi mbala iyi bɔkɔ o ma yi mo, i kyo mbala ɛndu iyi ekpasu mbala alɔgbulɔ umba Ukpo mbala asu mbala apula iyi i yi ekpasu mbala idomo; Ukpo e wo yi lɛɛbi mbala wu, kwuwo wu. 17 Okrasi e yi dɛ ishi kiya ingyinangyina ki bi yi le, uwu gba a ra la apula lɛɛbi mu riyi yi le.